Cheapest Gold : तुम्हाला फक्त दुबईच माहिती, पण अशी 7 ठिकाणं जिथं मिळतं स्वस्त सोनं

सोन्याचे दर</a> 1,14,422 प्रति तोळा आहेत. भारतात सोन्याचे दर जास्त असले तरी काही देशांमध्ये ते खूपच स्वस्त आहेत." width="1200" height="900" /> भारतात सोन्याच्या किमती गगनाला भिडल्या आहेत.  इंडियन बुलियन असोसिएशन IBJA नुसार 22 सप्टेंबर 2025 रोजी 24 कॅरेट सोन्याचे दर 1,14,422 प्रति तोळा आहेत. भारतात सोन्याचे दर जास्त असले तरी काही देशांमध्ये ते खूपच स्वस्त आहेत.

सोन्याची किंमत जागतिक बाजारपेठेवर अवलंबून असते. पण कर, आयात शुल्क, वेतन आणि मागणी देशांनुसार बदलते. त्यामुळे सोन्याची किंमतही देशानुसार बदलते. स्वस्त सोनं म्हटलं की सगळ्यात आधी नाव येतं ते म्हणजे दुबईचं. अनेकांना स्वस्त सोनं म्हटलं की दुबईच दिसते आणि दुबईच माहिती आहे. पण जगात असे आणखी देश आहेत. जिथं स्वस्त सोनं मिळतं. या देशांची नावं वाचूनही तुम्हाला आश्चर्य वाटेल.

दुबईला सोन्याची जागतिक बाजारपेठ मानलं जातं, जिथे केवळ आशियातीलच नाही तर जगभरातून लोक सोनं खरेदी करण्यासाठी येतात. दुबईसारख्या सोन्याच्या केंद्रात जानेवारी 2025 पर्यंत 24 कॅरेट सोन्याची किंमत प्रति ग्रॅम सुमारे 8718 रुपये आणि 22 कॅरेट सोन्याची किंमत प्रति ग्रॅम 7996 रुपये होती.

इंडोनेशियातील सोन्याची किंमत गुंतवणूकदारांना आकर्षित करते. इथं 24 कॅरेट सोनं प्रति ग्रॅम सुमारे 8704 रुपये आणि 22 कॅरेट सोनं प्रति ग्रॅम सुमारे 7983 रुपये आहे.

पारदर्शक धोरणांमुळे स्वित्झर्लंडला सोन्याच्या व्यापाराचं केंद्र मानलं जाते. इथलं सोनं जगातील सर्वात विश्वासार्ह बाजारपेठांपैकी एक मानलं जातं. शुद्धता आणि सुरक्षित गुंतवणुकीसाठी प्रसिद्ध असलेल्या स्वित्झर्लंडचाही स्वस्त सोन्याच्या यादीत समावेश आहे. 24 कॅरेट सोनं प्रति ग्रॅम 8682 आणि 22 कॅरेट सोनं प्रति ग्रॅम 7963 रुपये या दराने उपलब्ध आहे.

आशियातील एक प्रमुख आर्थिक केंद्र असलेलं सिंगापूरही स्वस्त सोन्याच्या यादीत आहे. इथं 24 कॅरेट सोनं प्रति ग्रॅम अंदाजे 8667 रुपये आणि 22 कॅरेट सोनं प्रति ग्रॅम अंदाजे 7949 रुपये या दराने विकलं जात आहे. कर आणि आयात शुल्कामुळे, येथील किमती खूपच कमी राहतात.

सोन्याच्या कमी किमतीच्या बाबतीत ऑस्ट्रेलिया दुसऱ्या क्रमांकावर आहे. इथं 24 कॅरेट सोनं प्रति ग्रॅम अंदाजे 8602 आणि 22 कॅरेट सोनं प्रति ग्रॅम 7889 या दराने उपलब्ध आहे. मागणी स्थिर असूनही इथं सोन्याचे दर स्थिर आहेत.

जगातील सर्वात मोठी अर्थव्यवस्था असलेल्या अमेरिकेत सध्या सर्वात स्वस्त सोनं आहे. इथं 24 कॅरेट सोन्याची किंमत प्रति ग्रॅम अंदाजे 8586 रुपये आणि 22 कॅरेट सोने प्रति ग्रॅम अंदाजे 7874 रुपये आहे.

मलावी हा एक आफ्रिकन देश इथं 24 कॅरेट सोन्याची किंमत प्रति ग्रॅम अंदाजे 9376 आहे, जी भारतापेक्षा अंदाजे 10-15% स्वस्त आहे. दक्षिण अमेरिकन देश कोलंबियातही 24 कॅरेट सोनं प्रति ग्रॅम अंदाजे 9500-10000 रुपयांना विकलं जातं, जे भारतापेक्षा अंदाजे 8-12% स्वस्त आहे.

या किमती भारताच्या तुलनेत खूपच कमी आहेत, ज्यामुळे गुंतवणूकदार आणि खरेदीदारांसाठी सोने खरेदी करण्यासाठी अमेरिका एक उत्तम ठिकाण बनते. इथं सोने तुलनेने परवडणाऱ्या दरात उपलब्ध आहे, ज्यामुळे गुंतवणूकदार आणि ग्राहक दोघांनाही फायदा होतो

सूचना : ही माहिती सर्वसामान्य माहितीवर आधारित आहे. जी फक्त माहितीसाठी आहे. सोन्याच्या दरात चढ-उतार होऊ शकतात.