Mobile Interesting Facts : मोबाईल Sleep Mode वर ठेवला की, बॅकग्राऊंडमध्ये होतात या 5 गोष्टी

मोबाईलमध्ये स्लीप मोड असा एक ऑप्शन असतो. सामान्यपणे अनेकांना असं वाटतं की स्लीप मोड सुरू केला की मोबाईल काहीच काम करत नाही. पण तुम्हाला आश्चर्य वाटेल स्लीप मोड ऑन केला तरी बॅकग्राऊंडमध्ये मोबाईलचं काम सुरूच असतं.

फोन स्लीप मोड मध्ये गेला की सीपीयू म्हणजे प्रोसेसर पूर्ण क्षमतेने काम करणं थांबवतो. याला लो पॉवर स्टेट म्हणतात. या मोडमध्ये CPU केवळ अत्यावश्यक कामं करतो. जसं की नोटिफिकेशन्स चेक करणं, नेटवर्क कनेक्शन सक्रिय ठेवणं, अ‍ॅप्सची छोटी कामं हाताळणं. ही सर्व कामं अत्यंत कमी ऊर्जेत पार पडतात. त्यामुळे बॅटरी लाइफ वाढते.

स्लीप मोड असला तरी फोनचं नेटवर्क बंद होत नाही. तो सतत 4G/5G सिग्नल, Wi-Fi कनेक्शन, Bluetooth डिव्हाइस,  Location सेवा Enabled तर ती तापसतो. त्यामुळेच WhatsApp, Instagram, Gmail सारखी नोटिफिकेशन्स येत राहतात. फोन सतत सर्व्हर्सशी संवाद ठेवत राहतो.

Android आणि iOS दोन्ही प्रणाली बॅकग्राउंड अ‍ॅप्सना मर्यादित काम करण्याची परवानगी देतात. WhatsApp नवीन मेसेज आल्यास लगेच कळवतो, Gmail ईमेल्स Sync करते, Music Apps स्क्रीन ऑफ असतानाही गाणी वाजवतात, Health Apps स्टेप काउंटर अपडेट करतात फोन या कामांसाठी छोट्या-छोट्या सिस्टम ट्रेंड्स वापरतो.

तुम्ही वापरत असलेली अ‍ॅप्स RAM मध्ये फक्त फ्रिझ्ड म्हणजे तात्पुरती झोपलेले असतात. याचा अर्थ ते बंद नसतात. त्यांचा डेटा मेमरीमध्ये सुरक्षित असतो. तुम्ही फोन अनलॉक केले की ती झटक्यात उघडतात. हीच कारणं आहेत की आजचे फोन Multitasking मध्ये खूप जलद असतात.

या अवस्थेत फोनकडे थोडा रिकामा वेळ असतो. त्याच वेळेत तो स्वतःची मेंटेनन्स कामं करतो. RAM आणि Cache ऑप्टिमाइज करणं, Unused processes बंद करणं, सिस्टम हेल्थ तपासणं, अ‍ॅप अपडेट्स Wi-Fi वर डाउनलोड करणे, अशी सिस्टमची हाऊसकिंपिंग कामं बॅकग्राऊंडमध्ये चालतात.  ही कामं फोन आपोआप करतो, म्हणूनच फोन हँग होणं, स्लो होणं कमी होतं.

फोनमधील काही सेन्सर हे स्क्रीन ऑफ असतानाही काम करतात. जसे की उदा. Accelerometer  - स्टेप काउंटर, हँडलिंग मोशन, Gyroscope - फोन हलत आहे का ते तपासणं, Proximity Sensor - कॉलच्या वेळी चेहरा जवळ आल्यावर स्क्रीन बंद करणं, Ambient Light Sensor  - स्क्रीन ऑन झाल्यावर ब्राइटनेस अ‍ॅडजस्ट करणं.  यामुळे फोन प्रत्येक क्षणी तुमच्या हालचाली समजून घेत असतो.

Sleep Mode मध्ये अलार्म, टाइमर, नोटिफिकेशन हे सर्व 100 टक्के अक्टिव्ह असतात. अलार्म वेळेवर वाजतो, टाइमर नेहमी अचूक चालतो, एमर्जन्सी अलर्ट तत्काळ येतात यासाठी फोनमध्ये वेगळे Real-Time Clock (RTC) Chips असतात जे झोपेतही सुरळीत कार्य करतात.

थोडक्यात काय तर स्लीप मोड  म्हणजे फोन बंद नव्हे, तर स्मार्टपणे ऊर्जा बचत करत असलेली अवस्था. या वेळी फोन नेटवर्कशी संपर्क ठेवतो, बॅकग्राउंड अ‍ॅप्स अपडेट करतो, सेन्सर डेटा रेकॉर्ड करतो, अलार्म/सूचना तयार ठेवतो, सिस्टम ऑप्टिमाइज करतो. म्हणूनच तुम्ही स्क्रीन ऑन करताच फोन तत्काळ, जलद आणि नेहमी तयार असतो. (सर्व फोटो : AI Generated)