Call Forwarding म्हणजे नेमकं काय होतं; एका नंबरचा फोन दुसऱ्या नंबरवर कसा जातो?

'आप जिस नंबर पर कॉल कर रहे है वह अन्य फोनपर फॉरवर्ड हो रहा है...' कुणाला फोन केला की तुम्हाला असं वाक्य ऐकू येईल. म्हणजे कुणी तुमच्या नंबरवर कॉल केला पण तो कॉल तुमच्याकडे न येता दुसऱ्याच नंबरवर जातो. उदा.  तुमचा फोन नंबर : 98765xxxxx आणि फॉरवर्ड केलेला नंबर: 91234xxxxx. कुणीही 98765xxxxx वर कॉल केला तर फोन वाजण्याआधीच किंवा वाजल्यानंतर कॉल 91234xxxxx नंबरवर जातो.

तुम्ही दुसऱ्या कॉलवर बिझी असाल, फोन उचचला नाही, फोन बंद किंवा नटेवर्ट नसेल तर एका ठराविक वेळेनंतर कॉल फॉरवर्ड होतो. कॉल दुसऱ्या नंबरवर जातो.

कॉल फॉरवर्डिंग कधी उपयोगी पडतं तर जेव्हा तुम्ही दुसरा फोन वापरत असाल, ऑफिस कॉल वेगळ्या नंबरवर हवे असतील. नेटवर्क कमी असेल तेव्हा बॅकअप म्हणून कॉल फॉरवर्डिंग उपयोगी पडतं. गरज असेल तर ही चांगली सुविधा आहे आणि गरज नसताना चालू असेल तर धोका आहे.

जर कॉल फॉरवर्डिंग तुम्ही स्वतः सेट केलेलं नसेल आणि तरीही forward चालू असेल तर धोकादायक ठरू शकतं. कुणीतरी तुमचं कॉल ऐकू शकतो. ओटीपी किंवा बँक कॉल दुसऱ्याकडे जाऊ शकतात, प्रायव्हेसी धोक्यात येऊ शकते.

कॉल फॉरवर्डिंग चालू आहे का ते कसं तपासायचं? तर डाएल पॅडमध्ये *#21# टाका. Not Forwarded असं आलं तर सुरक्षित आणि  Forwarded आलं तर तपासणं आवश्यक.  आता कॉल फॉरवर्डिंग बंद करायचं असेल तर त्यासाठी ##002# डाएल करा. यामुळे सर्व प्रकारचे फॉरवर्डिंग बंद होतात.