Knowledge : सूर्य पूर्वेलाच का उगवतो, पश्चिमेला उगवला तर काय होईल?

सूर्य पूर्वेला उगवतो आणि पश्चिमेला मावळतो हे सर्वांनाच माहीत आहे. पृथ्वी स्वत: भोवती पश्चिमेकडून पूर्वेला फिरत असते. यामुळेच पूर्व दिशेला सूर्योदय तर पश्चिमेला सूर्यास्त होतो.

हे सर्व पृथ्वीच्या फिरण्यामुळे घडते. सूर्य पश्चिमेकडून उगवणं तेव्हाच शक्य आहे जेव्हा पृथ्वी पश्चिमेकडून पूर्वेकडे ऐवजी पूर्वेकडून पश्चिमेकडे फिरू लागेल.

सूर्य पश्चिमेकडून उगवायला लागला तर दिवसाच्या वेळी रात्र असेल आणि रात्रीच्या वेळी दिवस असेल.

पृथ्वीचं वातावरण इतकं वेगाने बदलणार नाही. त्याचा परिणाम सुपरसॉनिक वारे आणि वादळ असेल. समुद्रात त्सुनामीची भयंकर परिस्थिती निर्माण होईल.

जर सूर्य पश्चिमेकडून उगवला तर वाऱ्याची दिशा उलट होईल. सागरी प्रवाहांच्या दिशेतही बदल होईल.

वाऱ्याच्या बदलामुळे तापमानात बदल होईल. पूर्व युरोप आणि उत्तर चीनमध्ये थंडी वाढण्यास सुरुवात होईल. वाळवंटातील तापमान कमी होईल आणि राहण्यायोग्य परिस्थिती निर्माण होईल. मात्र, समुद्रकिनाऱ्यांवर त्याचा फारसा परिणाम होणार नाही.

शास्त्रज्ञांच्या मते, किनारपट्टीचा भाग वगळता इतरत्र मान्सून येण्याची शक्यता आहे. भारताच्या उत्तरेकडील 4-5 राज्यांमध्ये हवामान खूप वेगाने बदलेल.

काही किनारी भाग बुडू शकतात. जमिनीत खोलवर दडलेली संसाधने बाहेर येऊ शकतात.

काही पिके आणि खाद्यपदार्थांच्या उत्पादनात घट होईल. हवेत ओलावा कमी असेल पण हवामान थंड राहील. जमिनीचा वरचा पृष्ठभाग कमी सुपीक होईल.

उत्तर आणि दक्षिण अमेरिकेतील हिरवीगार जंगले वाळवंटात बदलतील. त्याचवेळी सहारा आणि मध्य पूर्व वाळवंटी भागात हिरवळ असेल.

बदल सहन करू शकणार नाहीत असे अनेक प्राणी नामशेष होतील. पृथ्वीच्या गुरुत्वाकर्षणात बदल होऊ शकतो. याचा थेट परिणाम मानवावर होणार आहे.