Wine Fact : वाईन एकदा फोडली की ती खराब होते का? हजारो वर्ष टिकणाऱ्या दारुचं हे फॅक्ट्स मात्र 99 टक्के लोकांना माहित नाही

आपण पार्टी असो, डिनर असो किंवा खास प्रसंग. वाइनची बाटली उघडली की ती पूर्ण संपतच नाही. मग उरलेली वाइन ठेवायची कशी? ती पिण्यास योग्य राहते का? किती दिवस सुरक्षित असते? ही शंका जवळजवळ प्रत्येक वाइन प्रेमीला येते. कारण दारू उघडल्यानंतर तिची चव, सुगंध आणि टेक्स्चर बदलायला फक्त काही तास पुरेसे असतात. म्हणूनच उरलेली वाइन कशी योग्य प्रकारे साठवावी, हा प्रश्न खूप महत्त्वाचा आहे.

उघडलेल्या वाइनचा स्वाद का बदलतो?वाइन एक्सपर्ट सोनल हॉलंड सांगतात की, वाइन एकदा ऑक्सिजनच्या संपर्कात आली की तिची टेस्ट, अरोमा आणि फ्लेवर बदलू लागतात. त्यामुळे काही दिवसांनी ती पिताना मूळ स्वाद राहात नाही.

उरलेली वाइन सुरक्षित कशी ठेवावी?बहुतांश वेळा काय होतं लोकांनी दोन–तीन ग्लास घेतले की उरलेली वाइन तशीच ठेवली जाते. कधी काही लोक कॉर्क लावतात, कधी लावतही नाही आणि फ्रिजमध्ये ठेवायचंही विसरतो. पण यामुळे वाईन खराब होऊ शकते.

सोनल हॉलंड यांच्या मते, वाइन स्टॉपर वापरणं हा सर्वोत्तम उपाय आहे. हे जवळ-जवळ सगळ्याच बाटलीला फिट बसतं. बाटलीत हवा जाण्यापासून रोखतं. त्यामुळे ऑक्सिडेशन कमी होतं, वाइनचा अरोमा आणि टेस्ट दोन्ही टिकून राहतात.

स्टॉपर नसेल तर काय?बोतल उघडल्यावर रेड आणि व्हाइट वाइन दोन्ही पटकन खराब होण्याचा धोका असतो. जर स्टॉपर नसेल तर बाटली फ्रिजमध्ये ठेवा. फ्रिजमधील थंड तापमान ऑक्सिडेशनची प्रक्रिया स्लो करते. त्यामुळे वाइनची क्वालिटी जास्त काळ टिकते. म्हणूनच, तात्पुरतं का होईना, फ्रिज हा सर्वात चांगला पर्याय ठरतो.

उरलेली वाइन किती दिवस टिकते?वाइन एक्सपर्ट्स याबाबत स्पष्ट म्हणतात उघडलेली वाइन 2-3 दिवसांपेक्षा जास्त ठेवू नका.

नंतर काय होतं?अरोमा कमी होतो, चव बदलते, गुणवत्तेवर परिणाम होतो. म्हणूनच वाइन स्टोअर करताना तिला उष्ण वातावरणात ठेवू नका, सूर्यप्रकाशापासून दूर ठेवा. त्यासाठी फ्रिज हा सर्वात चांगला पर्याय

याच कारणामुळे बाजारात अनेक साइजच्या वाइन बॉटल्स मिळतात. जणेकरून जेवढी गरज आहे तेवढंच खरेदी करता येईल. मोठी बाटली घेऊन उरलेली वाइन व्यवस्थित न ठेवल्यास, ती लवकर खराब होते.