शिवसेना उद्धव बाळासाहेब ठाकरे गटाचे पक्षप्रमुख उद्धव ठाकरे हे उद्या (रविवार) छत्रपती संभाजीनगर दौऱ्यावर येत असून त्यांच्या उपस्थितीत शिवसंकल्प मेळावा पार पडणार आहे. शहरातील सूर्या लॉन्समध्ये हा मेळावा पार पडेल. तत्पूर्वी विधान परिषदेचे विरोधी पक्ष नेते अंबादास दानवे यांनी माध्यमांशी संवाद साधला आहे.
संभाजीनगरमध्ये सर्व जागा लढण्यास इच्छुक : दानवे
advertisement
प्रत्येक मतदारसंघात कोण इच्छुक आहे? याची यादी आम्हाला ऑलरेडी प्राप्त झाली आहे. दरम्यान छत्रपती संभाजी नगर जिल्ह्यातील सुद्धा नऊच्या नऊ जागा लढवण्याची आमची इच्छा असल्याचं अंबादास दानवे यांनी सांगितलं. शिवाय आमच्याकडे ऑलरेडी 6 जागा नॅचरली आहेत, असेही दानवे म्हणाले.
शिव संकल्प मेळावा
खरंतर हा मेळावा म्हणजे विधानसभेच रणशिंग फुकण्याचा आहे. प्रामुख्याने हा मेळावा जरी असला तरी याला शिबिराचा स्वरूप आम्ही दिलेलं आहे. साधारणपणे 5000 जण या शिव संकल्प मेळाव्याला उपस्थित राहतील. त्यामुळे विधानसभेच्या प्रचाराची सुरुवात होणार आहे असं म्हणायलाही काही हरकत नाही.
वाचा - देवेंद्र फडणवीस पुन्हा होणार मुख्यमंत्री! विठ्ठल महाराज शास्त्री यांचं भाकित
भाजपचे माजी उपमहापौर राजू शिंदेंचा प्रवेश कधी?
शिंदे यांचा प्रवेशही होणार आहे. मात्र, त्याला थोडा वेळ आहे. शिवाय अजून काही प्रवेश होणार असल्याचं सूचक विधान दानवे यांनी केलं. शिवसेना आणि काँग्रेस पक्षाने आज निवडणुकीचे फॉर्म मागवलेले आहे. शिवसेनेने मागच्या नोव्हेंबर महिन्यामध्येच पूर्ण 288 विधानसभा मतदारसंघ बैठका घेतलेले आहे. त्यामुळे कोण इच्छुक आहे, याचा चांगला अभ्यास आम्हाला आहे.