Devendra Fadnavis : देवेंद्र फडणवीस पुन्हा होणार मुख्यमंत्री! विठ्ठल महाराज शास्त्री यांचं भाकित, म्हणाले...

बीड, (सुरेश जाधव, प्रतिनिधी) : भाजप नेते आणि उपमुख्यमंत्री देवेंद्र फडणवीस यांनी 2019 च्या विधानसभा निवडणुकीत 'मी पुन्हा येईन' अशी घोषणा केली होती. ते पुन्हा आले मात्र महाविकास आघाडीच्या प्रयोगामुळे त्यांना विरोधी पक्षनेतेपदी बसावं लागलं. अडीच वर्षांनी शिवसेना पक्षात उभी फूट पडली आणि एकनाथ शिंदे आपल्या 40 आमदारांसह भाजपला येऊन मिळाले. यावेळी फडणवीस नक्की मुख्यमंत्री होतील असं सर्वांनाच वाटत असताना ऐनवेळी एकनाथ शिंदे यांचं नाव घोषित करण्यात आलं. 105 आमदार सोबत असतानाही मुख्यमंत्रीपद मिळालं नसल्याचं शल्य कार्यकर्त्यांसह भाजप नेत्यांनीही बोलून दाखवलं. मात्र, यावेळी देवेंद्र फडणवीस नक्की मुख्यमंत्री होतील असं भाकितचं करण्यात आलं आहे.