TRENDING:
पकडलेल्या एकूण १६ सापांपैकी १२ साप हे अत्यंत विषारी घोणस जातीचे होते. तर उर्वरित सापांमध्ये दोन धामण, एक नाग आणि एक तस्कर जातीचा साप होता. थंडीचे दिवस हा घोणस सापांचा मिलनाचा काळ असल्याने त्यांचे प्रमाण अधिक असल्याचे सर्पमित्रांनी सांगितले. या काळात मादी विशिष्ट वास सोडून नराला आकर्षित करते, तर दोन नर मादीचे लक्ष वेधून घेण्यासाठी एकमेकांना विळखा घालून उंच उडी मारण्याचा प्रयत्न करतात.
advertisement
नर्सने मित्राला वापरायला दिलं बँक अकाऊंट, त्याने केला असा प्रताप की ऐकूनच बसला धक्का, तिघांना अटक
घोणस हा साप जाड आणि मंद गतीचा असतो, त्यामुळे अनेकदा नागरिकांना तो बिनविषारी अजगर असल्याचा गैरसमज होतो. मात्र, अजगर पूर्णपणे बिनविषारी असला तरी घोणस हा अत्यंत विषारी असतो, हे नागरिकांनी लक्षात घेणे आवश्यक आहे.
सर्पमित्रांनी नागरिकांना आवाहन केले आहे की, नवीन बांधकाम सुरू असलेल्या ठिकाणी, घराबाहेर, शेतात किंवा बागेत काम करताना नेहमी काळजी घ्यावी. कोणताही साप दिसल्यास त्याला मारण्याचा प्रयत्न न करता, तातडीने सर्पमित्र किंवा वनविभागाला संपर्क साधावा. दुर्दैवाने साप चावल्यास घाबरून न जाता, त्वरित आणि विलंब न करता रुग्णालयात उपचार घ्यावेत.