TRENDING:
मिळालेल्या माहितीनुसार, फेब्रुवारी २०२५ मध्ये केंद्रीय मंत्री आणि भाजपचे खासदार मुरलीधर मोहोळ यांचे निकटवर्तीय असलेले आयटी अभियंता देवेंद्र जोग यांना शिवजयंतीच्या दिवशी मारहाण करण्यात आली होती. या प्रकरणी गजा मारणेला पुणे पोलिसांनी अटक केली होती. अटक केल्यानंतर गजा मारणे आणि त्याच्या टोळीतील इतर साथीदारांवर मकोका अंतर्गत गुन्हा दाखल करण्यात आला होता. त्यानंतर त्याची रवानगी तुरुंगात करण्यात आली होती.
advertisement
10 महिन्यानंतर तरुंगात राहिल्यानंतर गजा मारणेची जामिनावर सुटका करण्यात आली आहे. दुपारी विशेष मकोका न्यायालयाने त्याचा जामीन मंजूर केला. जामीन देताना अटी आणि शर्थी टाकण्यात आल्या आहे. त्याला यापुढे आता पुणे शहरात प्रवेश करता येणार नाही. याच आदेशाची प्रत घेऊन त्याचे नातेवाईक येरवडा तुरुंगात गेले होते. त्यानंतर संध्याकाळी त्याची सुटका झाली. त्यानंतर त्याला तातडीने गुन्हे शाखेमध्ये त्याला हजेरी लावण्याची सुचना देण्यात आली होती. त्यानंतर तो पोलीस आयुक्तालयात हजर झाला.
पोलिसांकडून त्याला सुचना देण्यात आली आहे, जर यापुढे त्याच्या साथीदाराकडून कोणताही गुन्हा घडला तर त्याला दोषी धरलं जाईल. त्यामुळे गजा मारणेला आता शहराच्या बाहेर राहावं लागणार आहे.