TRENDING:
धुळे, नंदुरबार, जळगाव, नाशिक, अहिल्यानगर, पुणे, सोलापूर, छत्रपती संभाजीनगर, बीड, धाराशिव या सर्व ठिकाणी 17 एप्रिलला उष्ण आणि दमट वातावरण राहण्याची शक्यता आहे. हवामान विभागाने दिलेल्या माहितीनुसार, संपूर्ण विदर्भात 17 एप्रिलला वादळी वाऱ्यासह आणि विजांच्या कडकडाटासह पावसाची शक्यता आहे.
advertisement
मुंबईतील कमाल तापमान 34 अंश सेल्सिअस तर किमान तापमान 25 अंश सेल्सिअस इतके असण्याची शक्यता आहे. 17 एप्रिलला मुंबई मध्ये अंशतः ढगाळ वातावरण राहून उष्ण आणि दमट वातावरण निर्माण होण्याची शक्यता आहे. पुण्यातील कमाल तापमान 41 अंश सेल्सिअस तर किमान तापमान 20 अंश सेल्सिअस इतके असण्याची शक्यता आहे. 17 एप्रिलला पुण्यात मुख्यतः निरभ्र आकाश राहून त्याठिकाणी सुद्धा उष्ण आणि दमट वातावरण निर्माण होऊ शकते.
छत्रपती संभाजीनगरमधील तापमानात वाढ होऊन तेथील कमाल तापमान 43 अंश सेल्सिअस तर किमान तापमान 23 अंश सेल्सिअस इतके असण्याची शक्यता आहे. त्याठिकाणी मुख्यतः निरभ्र आकाश असू शकते. नाशिकमधील कमाल तापमान 41 अंश सेल्सिअस तर किमान तापमान 20 अंश सेल्सिअस इतके असण्याची शक्यता आहे. त्याठिकाणी 17 एप्रिलला मुख्यतः निरभ्र आकाश असू शकते.
नागपूरमधील कमाल तापमान 41 अंश सेल्सिअस तर किमान तापमान 24 अंश सेल्सिअस इतके असण्याची शक्यता आहे. 17 एप्रिलला त्याठिकाणी अंशतः ढगाळ वातावरण असू शकते. वाढते तापमान आणि पावसामुळे राज्यात दमट वातावरण निर्माण झाले आहे. यामुळे नागरिकांनी पुरेसे पाणी पिणे, हलके कपडे परिधान करणे आणि उष्माघातापासून संरक्षणासाठी आवश्यक खबरदारी घेणे गरजेचे आहे. हवामान विभागाने नागरिकांना सावध राहण्याचा सल्ला दिला आहे.