TRENDING:
दगड मारून दरवाजा तोडला अन् घरात शिरले
राजेंद्र सीताराम कोरडे हे आपल्या कुटुंबासह शेतातील घरात वास्तव्यास आहेत. मध्यरात्री दोनच्या सुमारास चोरट्यांनी घराच्या मुख्य दरवाजावर मोठा दगड फेकून दरवाजा तोडला. मोठा आवाज झाल्याने कोरडे कुटुंबीय जागे झाले, मात्र समोर चोरटे पाहून त्यांची बोबडी वळाली. चोरट्यांनी राजेंद्र कोरडे यांच्यावर काठीने प्रहार केला आणि सर्वांच्या मानेवर कोयता धरून आरडाओरडा केल्यास जीवे मारण्याची धमकी दिली.
advertisement
कुटुंबाला डांबून दागिने लंपास
चोरट्यांनी संपूर्ण कुटुंबाला धमकावत एका खोलीत बंद केलं. त्यानंतर घराचा ताबा घेत कपाटाचं लॉकर तोडून सुमारे १५ तोळे सोन्याचे आणि १० तोळे चांदीचे दागिने लंपास केले. "पैसे आणि दागिने कुठे आहेत ते लवकर सांगा, नाहीतर कापून टाकू," अशी धमकी देत त्यांनी घरातील मौल्यवान वस्तू गोळा केल्या आणि अंधाराचा फायदा घेत पसार झाले.
शेतातील घरांना लक्ष्य करणाऱ्या या टोळीमुळे शेतकरी वर्गात प्रचंड दहशत निर्माण झाली आहे. घटनेची माहिती मिळताच आळेफाटा पोलिसांनी घटनास्थळी धाव घेतली असून, श्वानपथक आणि ठसेतज्ज्ञांच्या मदतीने आरोपींचा शोध सुरू केला आहे.