अतिरिक्त बससेवा
यंदा 300 ते 400 अतिरिक्त बस फेऱ्या नियोजित आहेत. स्वारगेट आगारातून बोरिवली, ठाणे, दादर, सोलापूर, कोल्हापूर, कल्याण, पंढरपूर यांसाठी विशेष बस सोडण्यात येणार आहेत. पुणे स्टेशन आगारातून दादर, तर शिवाजीनगर आगारातून औरंगाबाद, नाशिक, लातूर, धुळे, अकोला, सोलापूर, भीमाशंकर, बोरीवली यांसाठी जादा बस उपलब्ध असतील.
उन्हाळ्याच्या सुट्टीत फिरायचं पण तिकीट नाही, टेन्शन नॉट! ST कडून 764 जादा फेऱ्या
advertisement
परिक्षांच्या वेळापत्रकामुळे गर्दी उशिरा वाढण्याची शक्यता
यंदा शाळांच्या परीक्षा 25 एप्रिलपर्यंत सुरू राहणार आहेत. प्रवाशांची मोठी गर्दी त्या कालावधीनंतर वाढण्याची शक्यता आहे. प्रवाशांनी अगोदर आरक्षण करून सुरक्षित प्रवासाचा लाभ घ्यावा, असे आवाहन विभाग नियंत्रक अरुण सिया यांनी केले आहे.
दरम्यान, महाराष्ट्र राज्य मार्ग परिवहन महामंडळ (एसटी) ने यंदाही 764 अतिरिक्त बस फेऱ्यांचे नियोजन केले आहे. 15 एप्रिल 2025 ते 15 जून 2025 या कालावधीत ही विशेष सेवा उपलब्ध असेल. दररोजच्या नियोजित फेऱ्यांव्यतिरिक्त चालवल्या जाणाऱ्या या बसमुळे प्रवाशांना सुलभ, सुरक्षित आणि वेळेवर प्रवासाचा लाभ मिळणार आहे.
आरक्षणासाठी सुविधा
प्रवाशांच्या सोयीसाठी सर्व जादा फेऱ्या संगणकीय आरक्षणासाठी उपलब्ध करून देण्यात येणार आहेत. त्यामुळे प्रवाशांना ऑनलाईन आरक्षण करता येईल.
1) वेबसाईट: www.msrtc.maharashtra.gov.in
2) आरक्षण पोर्टल: https://npublic.msrtcors.com/
3) बसस्थानक आरक्षण केंद्रे: सर्व प्रमुख बसस्थानकांवरील आरक्षण केंद्रावर