समोर आलेल्या माहितीनुसार, गजानन बाबुराव बोळकेकर असे मृत तरुणाचे नाव आहे. तर दुचाकीस्वाराचे नाव आदित्य गायकवाड असून तो गंभीर जखमी झाला असून रुग्णालयात त्याच्यावर उपचार सुरू आहेत. याप्रकरणी महाळुंगे पोलिसांनी कंटेनर चालकाला धारावी येथील मोहम्मद अरमान खान याला अटक केली आहे. रविवारी सकाळी पावणे सातच्या सुमारास हा अपघात झाला आहे.
advertisement
सध्या पावसाळा सुरू असून रस्ता निसरडा झाला आहे. आरोपी कंटेनर चालक आपले वाहन बेदारकपणे आणि भरधाव वेगाने चालवत होता. कंटेनर चालक ओव्हरटेक करण्याच्या प्रयत्नात असताना दुचाकीला जोरदार धडक दिली. ही धडक इतकी भीषण होती की दुचाकीवर मागे बसलेला गजानन बोळकेकर खाली फेकले गेले आणि कंटेनरच्या मागील चाकाखाली आल्याने त्यांचा जागीच मृत्यू झाला आहे. तर मोटरसायकल चालविणारा थोडक्यात बचावला आहे.
गजानन आणि आदित्य हे दोघे महाळुंगे येथील एका खासगी कंपनीत कामाला होते. यातील गजाननचे तीन महिन्यापूर्वीच लग्न झाले होते.अकाली निधनाने कुटुंबावर दुःखाचा डोंगर कोसळला असून, त्यांच्या सहकाऱ्यांमध्येही हळहळ व्यक्त होत आहे. महाळुंगे पोलिसांनी कंटेनर चालकाविरोधात गुन्हा दाखल केला असून पुढील तपास सुरू आहे.