Agriculture News : अतिवृष्टीचा फटका, बबन यांच्या सीताफळाचे मोठं नुकसान, खर्च निघणे झालं अवघड

छत्रपती संभाजीनगर : तालुक्यातील कुंभेफळ येथील बबन वाघ यांचा 3 वर्षांपूर्वीचा दीड एकर शेतामध्ये गोल्डन या वाणाचा सीताफळाचा बाग आहे. त्यामध्ये 550 झाडांची आठ बाय तेरा अशी लागवड आहे. गतवर्षी यातून 2 लाख रुपये उत्पन्न मिळाले होते. यंदा 12 ते 13 टन सीताफळे तयार झाले आहे. मात्र अतिवृष्टीच्या पावसाचा फटका फळबागांना बसला. परिणामी सीताफळांची बाजारात आवक जास्त झाली आणि भाव कमी झाले. त्यामुळे आता 20 रुपये किलो दराने व्यापाऱ्यांना फळ विक्री सुरू आहे. सीताफळ उत्पन्नाची अपेक्षा 4 लाख रुपयांपर्यंत होती. मात्र पावसामुळे 1.50 लाख रुपयांचे उत्पन्न निघाले आणि अडीच लाख रुपयांचे नुकसान सहन करावे लागले, असे वाघ यांनी लोकल 18 सोबत सांगितले.