TRENDING:
नेमका प्रकार काय घडला?
मिळालेल्या माहितीनुसार, शनिवारी रात्री जेव्हा लोक आपापल्या घरी जात होते, तेव्हा अचानक चार तरुण आणि एक महिला हातात धारदार कोयते घेऊन बी. टी. कवडे रस्त्यावर उतरले. या सर्वांनी ओळख लपवण्यासाठी तोंडाला मास्क लावले होते. हातात धारदार कोयते नाचवत त्यांनी आरडाओरडा केला आणि परिसरातील नागरिकांना धमकावण्यास सुरुवात केली. यामुळे रस्त्यावरील लोकांची एकच धावपळ उडाली.
advertisement
यानंतर टोळीने आपला मोर्चा रस्त्याच्या कडेला असलेल्या दुकानांकडे वळवला. त्यांनी एकामागून एक अशा तब्बल सहा दुकानांवर कोयत्याने प्रहार करत काचा फोडल्या. एवढ्यावरच न थांबता, रस्त्यावर पार्क केलेल्या दुचाकी आणि चारचाकी वाहनांवरही या गुंडांनी कोयते मारले. वाहनांच्या काचा फुटल्याने मोठं आर्थिक नुकसान झालं आहे.
गुन्हेगारीत आता महिलांचाही सहभाग?
पुण्यातील कोयता गँगमध्ये आतापर्यंत केवळ पुरुष टोळ्यांचा सहभाग दिसून येत होता. मात्र, बी. टी. कवडे रस्त्यावरील या घटनेत एका महिलेनेही सक्रिय सहभाग घेतल्याचे प्रत्यक्षदर्शींनी सांगितले आहे. या टोळीचे नेतृत्व किंवा सहभाग असलेली ही महिला कोण? आणि 'लेडी डॉन' बनण्याच्या नादात पुण्यातील तरुणी गुन्हेगारीकडे वळत आहेत का? असा प्रश्न आता उपस्थित होत आहे. या घटनेचा अधिक तपास पोलीस करत आहेत.