आनंद अडसूळ हे 'वाईल्ड अ‍ॅनिमल्स अँड स्नेक्स प्रोटेक्शन सोसायटी' या संस्थेचे अध्यक्ष आहेत. ते अनेक वर्षांपासून आपल्या सहकाऱ्यांच्या मदतीने प्राणी आणि पक्ष्यांसाठी काम करत आहेत. अडसूळ हे 24 तास विनामूल्य वन्य प्राणी आणि पक्ष्यांचे रेस्क्यू, उपचार आणि पुनर्वसनाचे कार्य करतात. मुक्या जीवांच्या रक्षणासाठी काम करत त्यांनी एलएलबी, एलएलएमची पदवी पूर्ण केली.
advertisement
त्यांना ही जीव आहे
सर्परक्षक आनंद अडसूळ व त्यांच्या संस्थेमधील सर्परक्षक स्वतःच्या जीवाची पर्वा न करता धोकादायक परिस्थितीत वन्यप्राण्यांच्या मदतीसाठी धाव घेतात. अनेक वेळा स्थानिक नागरिक घाबरून मागे हटतात. पण, अडसूळ आणि त्यांची टीम शांतपणे परिस्थिती हाताळते. त्यांच्या सातत्यपूर्ण प्रयत्नांमुळे अनेक वन्यप्राण्यांना जीवदान मिळालं आहे.
पुण्याचा बटरफ्लाय बॉय! सिमेंटच्या जंगलात फुलवली फुलपाखरांची उद्यानं, पाहा काय केलं?
प्राणीच नाही तर समाजासाठीही सक्रिय
प्राण्यांवरील अत्याचारांविरोधात कायदेशीर कारवाई, गोरक्षण, शाळांमध्ये जाऊन विद्यार्थ्यांमध्ये जनजागृती, तसेच अनाथ आणि गरजू मुलांना शालेय साहित्य वाटप आणि वयोवृद्धांकरिता औषधोपचारात मदत, असे विविध समाजोपयोगी उपक्रम आनंद अडसूळ राबवत आहेत. तसेच नदी-नाले स्वच्छता मोहीम, स्वच्छतेसाठी जनजागृती, आणि मानवतेला प्राधान्य देणारे उपक्रम देखील प्रभावीपणे पार पाडत आहेत.
कोणताही प्राणी अडचणीत सापडला, अडसूळ यांची टीम लगेच मदतीला धावते. निसर्गाशी आणि मुक्या जीवांशी जिव्हाळ्याचं नातं ठेवून 'फक्त एक जीव वाचावा' ही भावना ठेवून ते दिवसरात्र झटत आहेत.