पुण्याचा बटरफ्लाय बॉय! सिमेंटच्या जंगलात फुलवली फुलपाखरांची उद्यानं, पाहा काय केलं?

पुणे: सध्या उभ्या राहत असलेल्या सिमेंटच्या जंगलात निसर्गातील अनेक प्राणी, पक्षी आणि किटकांच्या प्रजाती लुप्त होत चालल्या आहेत. अशा परिस्थिती पुण्यातील एक तरुण आपली वेगळीच ओळख निर्माण करत आहे. पुण्यातील रजत जोशी या तरुणाने फुलपाखरांची बाग तयार करत पर्यावरण संवर्धनाला एक नवी दिशा दिली आहे. गेल्या आठ वर्षांपासून तो फुलपाखरांच्या संवर्धनासाठी काम करत आहे. त्याच्या प्रयत्नांमुळे पुण्यात 10 ते 15 ठिकाणी फुलपाखरांची सुंदर उद्याने फुलली आहेत.