Pune-Mumbai Train : पुणे-मुंबई रेल्वेसेवा 3 दिवस 'ठप्प'; या 14 एक्स्प्रेस रद्द, अनेक गाड्यांना विलंब

दोन दिवसांत १४ रेल्वे रद्द

या ब्लॉकमुळे अनेक महत्त्वाच्या आणि रोज धावणाऱ्या एक्स्प्रेस गाड्या रद्द करण्यात आल्या आहेत.

शनिवारी (७ डिसेंबर) धावणारी पुणे-मुंबई इंटरसिटी एक्स्प्रेस आणि पुणे-मुंबई इंद्रायणी एक्स्प्रेस रद्द राहतील.

रविवार, ८ डिसेंबर रोजी तर तब्बल १२ गाड्यांची अप-डाउन सेवा थांबवण्यात आली आहे. यामध्ये मुंबई-पुणे-मुंबई इंटरसिटी एक्स्प्रेस, इंद्रायणी एक्स्प्रेस, डेक्कन एक्स्प्रेस, प्रगती एक्स्प्रेस, डेक्कन क्वीन एक्स्प्रेस आणि सिंहगड एक्स्प्रेस या महत्त्वाच्या गाड्या रद्द करण्यात आल्या आहेत.

advertisement

Pimpri Chinchwad Traffic: महापरिनिर्वाण दिनासाठी वाहतुकीत बदल; आज पिंपरीतील हे मार्ग राहणार बंद, पर्यायी रस्ते कोणते?

विलंबाने धावणाऱ्या गाड्या

याव्यतिरिक्त, अनेक लांब पल्ल्याच्या गाड्यांनाही या ब्लॉकचा फटका बसणार आहे. ६ आणि ७ डिसेंबर रोजी धावणाऱ्या जोधपूर-हडपसर एक्स्प्रेस, ग्वाल्हेर-दौंड, मुंबई-भुवनेश्वर कोणार्क एक्स्प्रेस, मुंबई-सोलापूर वंदे भारत एक्स्प्रेस, मुंबई-हैदराबाद एक्स्प्रेस, आणि पनवेल-नांदेड एक्स्प्रेस या गाड्यांना एक ते तीन तास उशीर होण्याची शक्यता आहे.

तसेच, राजकोट-कोईम्बतूर, कुर्ला-चेन्नई, पुणे-जयपूर, आणि पुणे-एर्नाकुलम या गाड्यांनाही सुमारे ४५ मिनिटांचा विलंब होण्याची शक्यता आहे. प्रवाशांनी प्रवास करण्यापूर्वी आपल्या गाडीच्या वेळापत्रकाची खात्री करून घ्यावी, असे आवाहन रेल्वे प्रशासनाने केले आहे.