Pune Pmpml: आठवड्याच्या पहिल्याच दिवशी पुणेकरांचे हाल! PMPच्या 2 हजार फेऱ्या रद्द, हे महत्त्वाचं बसस्थानकही आज बंद

वाहतुकीत झालेले मोठे बदल: सायकल स्पर्धेच्या 'प्रोलॉग' शर्यतीसाठी सकाळी ९ ते सायंकाळी ६ वाजेपर्यंत फर्ग्युसन महाविद्यालय (FC) रस्ता, जंगली महाराज (JM) रस्ता आणि गणेशखिंड रस्ता पूर्णपणे बंद ठेवण्यात आले आहेत. यामुळे या मार्गांवरून धावणाऱ्या अडीच हजार फेऱ्यांपैकी बहुतांश फेऱ्या रद्द कराव्या लागल्या आहेत. तसेच, या भागातील महत्त्वाचे 'डेक्कन बसस्थानक' देखील या कालावधीत बंद ठेवण्यात आले आहे.

advertisement

Pune Traffic : पुणेकरांनो घराबाहेर पडण्याआधी हे वाचा! हे मुख्य रस्ते आज बंद, शाळा, महाविद्यालयांना सुट्टी, पर्यायी मार्ग कोणते?

स्पर्धेचा मार्ग आणि पर्यायी व्यवस्था: ही स्पर्धा खंडुजीबाबा चौक, गुडलक चौक, रेंजहिल्स, संचेती चौक आणि बालगंधर्व मार्गे जाणार आहे. या बंदमुळे प्रवाशांचे हाल होऊ नये म्हणून पीएमपी प्रशासनाने दीडशे बसचे मार्ग वळवले आहेत. मात्र, तरीही दोन हजार फेऱ्या रद्द झाल्याने चाकरमानी आणि नागरिकांना मोठ्या त्रासाला सामोरे जावे लागत आहे.

जिल्हा प्रशासन आणि सायकलिंग फेडरेशन ऑफ इंडिया यांच्या वतीने आयोजित या जागतिक दर्जाच्या स्पर्धेमुळे पुण्याचे नाव क्रीडा क्षेत्रात गाजणार असले, तरी सोमवारच्या कामाच्या दिवशी रस्ते बंद असल्याने शहराच्या मध्यभागात वाहतुकीचा मोठा पेच निर्माण झाला आहे.