संध्याकाळची वेळ; रस्त्यावर एक किमीपर्यंत वाहनांच्या रांगा, कोंडीत रुग्णवाहिका अडकली अन्..पुण्यातील घटनेनं संताप

बेशिस्त पार्किंग आणि उलट दिशेने वाहने

बालाजीनगर परिसर हा दाट लोकवस्तीचा आणि प्रचंड रहदारीचा भाग बनला आहे. येथून एक रस्ता धनकवडीकडे, तर पुढचे चौक के.के.मार्केट आणि संभाजीनगरकडे जातात. मात्र, या चौकातच रिक्षा थांबे, हातगाड्यांचे अतिक्रमण आणि दुचाकी-चारचाकी वाहनांची बेशिस्त पार्किंग असल्याने कोंडीत भर पडते.

Pune News: नवले पूल अपघातानंतर मोठा निर्णय, पुण्यातील ‘हा’ रस्ता कायमचा बंद!

advertisement

सायंकाळी ६:३० च्या सुमारास तर या चौकातून सुमारे एक किलोमीटरपर्यंत वाहनांच्या लांबच लांब रांगा लागतात. विशेष म्हणजे, अनेक वाहनचालक उलट्या दिशेने गाड्या चालवत असल्याने कोंडी अधिक गंभीर होते. गुरुवारी सायंकाळी कोंडी झाली असतानाही पोलीस 'बघ्याची भूमिका' घेत होते, असा नागरिकांचा आरोप आहे.

दक्षिण उपनगरांची स्थिती गंभीर

केवळ बालाजीनगरच नव्हे, तर दक्षिण उपनगरांमधील वाहतुकीची समस्या ही 'भिजत घोंगडे' ठरली आहे:

कात्रज चौक, गजबजलेला बालाजीनगर आणि धनकवडी परिसर अरुंद रस्ते आणि पार्किंगच्या अभावामुळे कोंडला आहे.

भारती विद्यापीठ परिसर 'खाऊ गल्ली', फेरीवाले आणि शैक्षणिक संस्थांनी व्यापला असल्याने येथेही अरुंद रस्त्यांमुळे मोठी समस्या आहे.

आंबेगावची परिस्थितीही वेगळी नाही.

लाखोच्या घरात गेलेली वाहनांची संख्या पाहता, दक्षिण उपनगरांमधील वाहतूक व्यवस्था सुधारण्यासाठी कठोर उपाययोजना करण्याची गरज नागरिक व्यक्त करत आहेत.