असा झाला चोरांचा पर्दाफाश
शुक्रवारी सकाळी करंदी येथील रहिवासी बाबूराव काटे हे आपल्या शेताकडे जात होते. यावेळी त्यांना कविता गायकवाड यांच्या शेतात दोन अनोळखी व्यक्ती संशयास्पद हालचाली करताना दिसल्या. बारकाईने पाहिले असता, ते दोघे चंदनाची झाडे तोडत असल्याचे त्यांच्या लक्षात आले. काटे यांनी वेळ न घालवता तातडीने ही माहिती गावातील इतर तरुणांना आणि ग्रामस्थांना दिली.
advertisement
Pune Crime : सावधान! पती अमेरिकेत; पत्नीसोबत चौघांचं धक्कादायक कांड, पुण्यातील घटना
ग्रामस्थांनी लावला सापळा
माहिती मिळताच ग्रामस्थांनी घटनास्थळी धाव घेतली आणि पळून जाण्याच्या प्रयत्नात असलेल्या दोन्ही चोरट्यांना घेराव घालून पकडले. पकडलेले दोन्ही आरोपी शेजारील जिल्हयातील (अहिल्यानगर) असून, ते खास चंदन चोरीसाठी या भागात आले होते. ग्रामस्थांनी या घटनेची माहिती शिक्रापूर पोलिसांना दिली आणि आरोपींना त्यांच्या स्वाधीन केले.
आरोपींना अटक
बाबूराव काटे यांनी दिलेल्या फिर्यादीनुसार, शिक्रापूर पोलिसांनी राहुल प्रभू गव्हाणे (वय २१) आणि हनुमंत अंबादास गव्हाणे (वय २५, दोघेही रा. गव्हाणवाडी, ता. श्रीगोंदा) या दोघांवर गुन्हा दाखल करून त्यांना अटक केली आहे. त्यांच्याकडून गुन्ह्यात वापरलेली दुचाकी आणि झाडे तोडण्याची अवजारे जप्त करण्यात आली आहेत.
