त्याचं झालं असं की, एका मांत्रिक महिलेने आणि भोंदूबाबाने दीपक डोळस नावाच्या आयटी इंजिनियर व्यक्तीची फसवणूक केली आहे. दीपक यांना दोन मुली आहेत, पण त्या सतत आजारी राहायच्या. त्यांच्या तब्येतीमध्ये सुधारणा व्हावी यासाठी 2018 साली भोंदूबाबाच्य दरबारामध्ये गेले होते. या भोंदूबाबाचं नाव, दीपक खडके असं आहे, या भोंदूबाबासोबत तिकडे दरबारामध्ये एक मांत्रिक महिलाही होती. जिचं नाव वेदिका पंढरपूरकर असं आहे. तेव्हा तिने दीपक डोळस यांच्यासमोर अंगात येण्याची ॲक्टिंग केली होती. तेव्हा त्यांनी महिलेच्या अंगात शंकर महाराज संचारत, असल्याची बतावणी केली होती.
advertisement
दीपक डोळस काही वर्षांपूर्वी इंग्लंडमध्ये काही वर्षे नोकरीसाठी होते. तिथे त्यांनी स्वत:चं घर आणि एक फार्म हाऊस देखील खरेदी केलं होतं. या भोंदूबाबाच्या पायी डोळस कुटुंबीयांना त्यांच्या आयुष्यभराची अख्खी सेव्हिंग गमवावी लागली आहे. कोट्याधीश असलेलं हे दाम्पत्य भोंदूगिरीच्या नादी लागून आता रस्त्यावर आलं आहे. डोळस कुटुंबीय जेव्हा भोंदूबाबाच्या दरबारामध्ये गेले होते, त्यावेळी भोंदूबाबाने आणि मांत्रिक महिलेने त्यांचा विश्वास संपादन करून तुमची संपत्ती आमच्याकडे दिल्यास तुमच्या अंगात शंकर महाराज येतील, असे सांगून दोघांनी बँकेतील सर्व पैसे आणि ठेवी वेदिका यांच्या खात्यात वळत्या केल्या.
पण, तरीही डोळस यांच्या मुली बऱ्या झाल्या नाहीत. तेव्हा डोळस यांनी खडके आणि पंढरपुरकर यांच्याकडे विचारणा केली. त्यावेळी त्यांनी तुमच्या घरात दोष आहेत, असं सांगितलं. डोळस हे काही वर्ष इंग्लंडमध्ये नोकरी करत होते. त्यामुळे त्यांचं इंग्लंडमध्ये देखील घर होतं आणि फार्महाऊस खरेदी केले होते. ते इंग्लंडमधील घर आणि फार्म हाऊस त्यांना विकायला लावलं आणि ते पैसे पंढरपुरकर यांच्या खात्यात वळते करायला लावले. त्यानंतर डोळस यांना त्यांचा पुण्यातील प्लॉट आणि फ्लॅट विकायला सांगितला, त्याचेही पैसे त्यांनी हडप केले. असं करता डोळस कुटुंबीयांची त्या भोंदूबाबाने तब्बल 14 कोटींची फसवणूक केली आहे.
दोन लहान मुली बऱ्या होतील या आशेने डोळस कुटुंब त्यांच्या म्हणण्याप्रमाणे करत गेले. मात्र मुली बऱ्या होत नाहीत, असं लक्षात आल्यावर त्यांनी पुन्हा खडके आणि वेदिकाकडे विचारणा केली. यावेळी त्यांनी त्यांच्या राहत्या घरात दोष असल्याचं सांगितलं. मात्र आता राहण्यासाठी एकमेव घर उरले असल्याचं डोळस यांनी सांगितले आणि घर विकण्यास असमर्थता दर्शवली. त्यानंतर डोळस यांना ते घर तारण ठेऊन घरावर लोन काढण्यास सांगण्यात आलं. त्यानंतर पर्सनल लोन देखील काढण्यास सांगण्यात आलं. हा सगळा पैसा दीपक खडके आणि वेदिका पंढरपुरकर यांनी हडप केला आणि त्या पैशातून कोथरुड येथील महात्मा सोसायटीत आलिशान बंगला खरेदी केला आहे. या सगळ्या प्रकरणी डोळस दाम्पत्याने पुणे पोलीस आयुक्तांना पत्र देत कारवाईची मागणी केली आहे.