पुण्यात भीषण अपघात; विद्यार्थ्यांनी भरलेली भरधाव स्कूल बस झाडावर आदळली, अपघाताचा पहिला Video समोर

वाघोली येथील रायझिंग स्टार या स्कूलची बस झाडावर आदळल्याने भिषण अपघात झाला आहे. या बसमधील काही विद्यार्थी जखमी झाले आहेत. त्यांना स्थानिकांच्या मदतीनं खासगी रुग्णालयात दाखल करण्यात आलं. चालकाचं नियंत्रण सुटल्यानं बस झाडावर आदळल्याचा अंदाज आहे. तुम्ही व्हिडीओमध्ये पाहू शकता, ही भरधाव स्कूल बस थेट झाडावर येऊन आदळली आहे. या घटनेत काही विद्यार्थी जखमी झाले आहेत.

advertisement

दरम्यान या अपघातामुळे पुन्हा एकदा  विद्यार्थ्यांच्या सुरक्षितेचा प्रश्न ऐरणीवर आला आहे. या बस वरती आरटीओचे नियंत्रण नसल्याचा आरोप पालकवर्गाकडून केला जात आहे. याबाबत लोणीकंद पोलीस ठाण्यात गुन्हा दाखल करण्यात आला असून,  पुढील तपास लोणीकंद पोलीस करत आहेत.