इराण-इस्रायल युद्धामुळं गॅस टंचाई, पुण्यात लग्नसराईच्या केटरर्सकडून ऑर्डर रद्द, पालक चिंतेत, Video

पुणे : इराण-इस्रायलमध्ये सुरू असलेल्या युद्धाचा परिणाम आता भारतातही जाणवू लागला आहे. या तणावपूर्ण परिस्थितीमुळे इंधन पुरवठ्यावर परिणाम झाला असून, गेल्या काही दिवसांपासून गॅसची टंचाई मोठ्या प्रमाणात जाणवत आहे. या गॅस टंचाईचा फटका आता थेट लग्नसमारंभांनाही बसू लागला आहे. गॅस उपलब्ध नसल्यामुळे काही केटरिंग व्यावसायिकांना लग्नातील जेवणाच्या ऑर्डर रद्द करण्याची वेळ येत आहे. त्यामुळे ज्यांच्या घरात लग्न आहे त्या कुटुंबीयांमध्ये चिंतेचे वातावरण निर्माण झाले आहे.या पार्श्वभूमीवर आम्ही काही पालकांशी संवाद साधून त्यांना नेमक्या कोणत्या अडचणींचा सामना करावा लागत आहे हे जाणून घेण्याचा प्रयत्न केला आहे.