कोल्हापूर आणि साताऱ्यात उन्हाचा चटका अधिक जाणवण्याची शक्यता आहे. कोल्हापुरात कमाल तापमान 35 अंश सेल्सियस राहील तर किमान तापमानात 14 अंशांपर्यंत घट होण्याची शक्यता आहे. साताऱ्यात कमाल तापमान 34 अंश सेल्सियस राहील तर किमान तापमान 14 अंश सेल्सियस असेल. सकाळी हवेमध्ये थोड्या प्रमाणात गारवा जाणवेल. मात्र दुपारनंतर उष्णता अधिक तीव्र होण्याची शक्यता आहे.
advertisement
पुणे शहर आणि जिल्ह्यात उन्हाचा प्रभाव अधिक जाणवेल. हवामान विभागाच्या अंदाजानुसार पुण्यात कमाल तापमान 34 अंश सेल्सियस राहील तर रात्रीच्या तापमानात 12 अंशांपर्यंत घट होण्याची शक्यता आहे. इथे दिवसभर उन्हाच्या झळा अधिक जाणवतील त्यामुळे नागरिकांनी अशावेळी पुरेसे द्रवपदार्थ प्यावेत आणि उन्हात फिरणे टाळावे.
सोलापूर आणि सांगली जिल्ह्यात देखील उष्णतेचा अधिक प्रभाव राहील. सोलापुरात कमाल तापमान 36 अंश सेल्सियस तर किमान तापमान 18 अंशांपर्यंत राहील. सांगलीत तापमान 34 अंशांच्या आसपास राहील. या भागात हवेतील आर्द्रता तुलनेने कमी असल्यामुळे उन्हाचा तडाखा अधिक जाणवू शकतो. शेतकऱ्यांनी आपल्या शेतीविषयक कामांचे नियोजन सावधगिरीने करावे.
हवामान विभागाच्या अंदाजानुसार 3 फेब्रुवारीनंतर काही भागांमध्ये अवकाळी पावसाची शक्यता वर्तवली जात आहे. त्यामुळे शेतकऱ्यांनी योग्य ती काळजी घेऊन आपल्या पिकांचे संरक्षण करावे. वाढत्या तापमानामुळे उष्णतेच्या लाटेचा त्रास होऊ नये म्हणून नागरिकांनी हलके कपडे परिधान करावेत, पुरेसे पाणी प्यावे आणि शक्यतो दुपारच्यावेळी उन्हात घराबाहेर जाणे टाळावे.