ऊनी शॉल्स अन् हँडमेड ज्वेलरी, पुण्यात काश्मिरी वस्तूंचे भव्य प्रदर्शन, 100 रुपयांपासून करा खरेदी

पुणे : पुणेकरांसाठी एक अनोखी संधी उपलब्ध झाली असून काश्मीर थेट पुण्यात अवतरले आहे. काश्मीरमधील प्रसिद्ध वस्तूंचे भव्य प्रदर्शन पुण्यातील बावधन परिसरात भरवण्यात आले आहे. या प्रदर्शनात काश्मीरमधील पारंपरिक हस्तकला, पश्मीना आणि ऊनी शॉल्स, ड्रायफ्रूट्स, केशर, सजावटीच्या वस्तू, हँडमेड ज्वेलरी तसेच घरगुती वापराच्या अनेक वस्तू पाहायला मिळत आहेत. अवघ्या 100 रुपयांपासून ते लाखभर रुपयांपर्यंतच्या किमतीत वस्तू खरेदी करण्याची संधी येथे उपलब्ध आहे. विशेष म्हणजे या प्रदर्शनासाठी नागरिकांना मोफत प्रवेश देण्यात आला असून, काश्मीरची संस्कृती, कला आणि परंपरा अनुभवण्याची संधी पुणेकरांना मिळत आहे.