Pune News : विद्येच्या माहेरघरीच अघोरी विद्येचा बाजार! समुपदेशनाच्या नावाखाली महिलेचं MPSC परीक्षार्थीसोबत धक्कादायक काम

अंनिसच्या पुढाकाराने महिलेचा भांडाफोड

पुण्यातील पाषाण भागात या भोंदू महिलेचं कॉर्पोरेट ऑफिस आहे, जिथं अंनिसने पोलिसांना घेऊन स्टिंग ऑपरेशन करून या कार्पोरेट भोंदूगिरीचा पर्दाफाश केला. वृषाली ढोले - शिरसाठ नावाची ही महिला समुपदेशनाच्या नावाखाली अनेकांची आर्थिक फसवणूक करत होती. एका एमपीएससी परीक्षार्थीला तर तिने तब्बल दीड लाखांना लुबाडले. एवढंच नाही तर उपचाराच्या नावाखाली राख खायला घालून स्वत: पाय धुवून पाणीही पायला लावलंय. याची तक्रार अंनिसकडे येताच त्यांनी चतुश्रूंगी पोलिसांना सोबत घेऊन तिच्या भोंदुगिरीचा पर्दाफाश केला.

advertisement

तिकडे लोणी काळभोरमध्ये तर चक्क स्मशानात अघोरी पुजा बांधल्याचा धक्कादायक व्हिडिओ समोर आला. बरं ही स्मशानातली पुजा कशासाठी तर आपल्याच व्यावसायिक मित्राचा मृत्यू व्हावा यासाठी होती. याप्रकरणी गणेश चौधरी या आरोपीविरोधात गुन्हा दाखल करण्यात आला आहे.

वाचा - Work From Home चा एक फोन तुम्हाला करु शकतो कंगाल, हॅकर्सने शोधला फसवणूकीचा नवीन मार्ग

अंनिसमुळे घटना उघडकीस

पुणे शहर हे विद्येचं माहेरघर म्हणून ओळखलं जातं. या ठिकाणी लाखो विद्यार्थी शिक्षण घेऊन अज्ञानाच्या अंधारातून प्रकाशमान होतात. मात्र, याच पुण्यात अंधश्रद्धा आणि अघोरी विद्येसारख्या घटना घडल्याने अंधश्रद्धा निर्मूलन समितीने नाराजी व्यक्त केली आहे. यापूर्वी पुणे शहरात अशा घटना अंनिसकडून उजेडात आणण्यात आल्या आहेत. मात्र, तरीही अशा घटना घडत असल्याने पोलिसांनी याविरोधात कठोर कारवाई करण्याची मागणी करण्यात येत आहे.