Jaya Ekadashi 2026: दिनांक 28 की 29 फेब्रुवारीला जया एकादशी? भीष्म द्वादशी, धार्मिक महत्त्व-मुहूर्त, व्रताचे नियम

जया एकादशी तिथी आणि वेळ - पंचांगानुसार, माघ शुक्ल एकादशी 28 जानेवारी रोजी संध्याकाळी 4 वाजून 34 मिनिटांनी सुरू होईल आणि 29 जानेवारी रोजी दुपारी 1 वाजून 56 मिनिटांनी समाप्त होईल. उदय तिथीनुसार जया एकादशीचे व्रत 29 जानेवारी 2026, गुरुवारी पाळले जाईल.

जया एकादशीचे व्रत दोन प्रकारे केले जाते: निर्जला (पाण्याशिवाय) आणि फलाहारी. केवळ निरोगी व्यक्तीनेच निर्जला उपवास करावा, तर सामान्य किंवा आजारी व्यक्तींसाठी फलाहारी व्रत अधिक योग्य मानले जाते. या दिवशी श्रीकृष्णाला फळे, पंचामृत यांचा नैवेद्य दाखवला जातो. दिवसभर केवळ पाणी आणि फळांचे सेवन करणे श्रेष्ठ मानले जाते.

advertisement

26 जानेवारीपासून सुरू होणारा आठवडा कोणासाठी लकी? मेष ते मीन साप्ताहिक राशीफळ

ग्रह शांतीसाठी विशेष उपाय - ग्रहांच्या शांतीसाठी पूर्व दिशेला एका चौरंगावर पिवळे वस्त्र अंथरून भगवान विष्णूंची प्रतिमा स्थापित करावी. धूप-दीप लावून कलश स्थापना करावी. त्यानंतर वस्त्र, फळे, फुले, पान आणि सुपारी अर्पण करावी. उजव्या हातात जल घेऊन पीडित ग्रहांच्या शांतीसाठी प्रार्थना करावी. संध्याकाळी जया एकादशीची व्रत कथा ऐकून फलाहार घ्यावा. शक्य असल्यास रात्री भगवान विष्णू किंवा श्रीकृष्णाच्या मंत्रांचा जप करावा. खऱ्या श्रद्धेने केलेल्या या उपायांमुळे श्रीकृष्णाची कृपा नक्कीच प्राप्त होते.

काय करावे आणि काय टाळावे?

या दिवशी गरजू लोकांना मदत करण्याचा संकल्प करावा. पिंपळ आणि केळीच्या झाडाखाली तुपाचा दिवा लावणे अत्यंत शुभ मानले जाते. तामसिक भोजन, नकारात्मक विचार आणि चुकीच्या वागणुकीपासून दूर राहावे. मन जास्तीत जास्त कृष्णभक्तीत रमवावे. जर आरोग्य ठीक नसेल तर उपवास करू नये, केवळ व्रताच्या नियमांचे पालन करावे. या गोष्टींचे भान ठेवल्यास जया एकादशीचे पुण्यफळ मिळते आणि जीवनातील अनेक कष्टांतून मुक्ती मिळते.

पूर्वमुखी घर का सर्वात शुभ? पण 'वास्तु'चे हे नियम 90% लोक दुर्लक्षित करून चुकतात

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)