देवघरचे ज्योतिषी काय म्हणतात?
देवघरमधील पागल बाबा आश्रमाजवळील मुदगल ज्योतिष केंद्राचे प्रसिद्ध ज्योतिषी पंडित नंदकिशोर मुदगल यांनी 'लोकल 18' शी बोलताना सांगितलं की, जून महिन्यात दोन क्रूर ग्रह, मंगळ आणि केतू यांचा योग जुळून येणार आहे. 7 जून रोजी मंगळ सिंह राशीत प्रवेश करेल, जिथे केतू आधीच आहे. जेव्हा दोन क्रूर ग्रह एकत्र येतात, तेव्हा 'कुंजकेतू योग' तयार होतो, जो अशुभ मानला जातो. या योगामुळे तीन राशींवर नकारात्मक परिणाम होणार आहे. या तीन राशी म्हणजे वृषभ, सिंह आणि वृश्चिक.
advertisement
राशींवर होणारा परिणाम
वृषभ : मंगळ आणि केतूच्या या युतीमुळे वृषभ राशीच्या लोकांवर नकारात्मक परिणाम होईल. मानसिक ताण वाढू शकतो. बोलण्यावर आणि वागण्यावर नियंत्रण ठेवा. अनावश्यक वाद-विवादात पडू नका, नाहीतर कायदेशीर अडचणीत सापडू शकता. वडिलोपार्जित संपत्तीवरून कुटुंबात वाद होण्याची शक्यता आहे. भावंडांसोबतचे संबंध बिघडू शकतात.
सिंह : मंगळ आणि केतूचा योग सिंह राशीतच तयार होणार असल्याने, सिंह राशीच्या लोकांना विशेष काळजी घ्यावी लागणार आहे. करिअरमध्ये अनेक अडचणी येऊ शकतात. मुलांकडूनही चिंता वाढू शकते. नोकरी करणाऱ्यांवर कामाचा अधिक ताण येऊ शकतो. खूप धावपळ करावी लागेल. तुमची कामे अर्धवट रखडू शकतात. जोडीदारासोबत एखाद्या गोष्टीवरून वाद होण्याची शक्यता आहे.
वृश्चिक : मंगळ आणि केतूच्या या युतीचा वृश्चिक राशीवर नकारात्मक परिणाम होईल. वेळेवर काम पूर्ण न झाल्यामुळे मानसिक अस्वस्थता वाढू शकते. व्यवसायात पैसे गुंतवताना खूप विचारपूर्वक निर्णय घ्या, नाहीतर आर्थिक नुकसान होऊ शकते. कुटुंबापासून दूर जावे लागण्याची शक्यता आहे. वाहन चालवताना काळजी घ्या, दुखापत होण्याची शक्यता आहे. घरात जमिनीसंबंधी वाद होण्याची शक्यता आहे.
यावर उपाय काय?
ज्योतिषी मुदगल यांनी यावर काही उपायही सांगितले आहेत. ते म्हणाले की, मंगळ आणि केतूच्या या युतीमुळे होणारा नकारात्मक परिणाम कमी करता येऊ शकतो. यासाठी व्यक्तीने भगवान शंकराची पूजा करावी. शिवलिंगावर गंगाजलाने अभिषेक करावा आणि पंचोपचार पद्धतीने पूजा करावी. यामुळे मंगळ आणि केतूच्या वाईट प्रभावापासून आराम मिळेल.
हे ही वाचा : Chanakya Niti : मानवी जीवनात 'हे' आहे महापाप, जिथे देवही करत नाही माफ!
हे ही वाचा : शनि जयंतीला चुकूनही करू नका 'या' चुका, नाहीतर शनिदेव होईल क्रोधीत अन् मागे लागेल साडेसाती!