पांडवांनी एका रात्रीमध्ये कोरले मंदिर
पुण्यातल्या बाणेर परिसरात हे मंदिर आहे. बाणेरचे ग्रामदैवत भैरवनाथ मंदिराच्या थोडं पुढं जाऊन काही पायऱ्या चढल्यानंतर एका गुहेत हे मंदिर आहे. या मंदिराबाबत एक खास अख्यायिका असून मंदिराचे पुजारी गणेश भुजबळ यांनी याची माहिती दिली.
गणेश चतुर्थीसाठी घरी कधी आणावा बाप्पा? काय आहे शूभ मुहूर्त? संकट टाळण्यासाठी पाहा सर्व माहिती
advertisement
पांडव अज्ञातवासामध्ये बाणेरमध्ये वास्तव्याला होते. त्यावेळी त्यांनी बाणेरच्या टेकडीमध्ये एका रात्रीत हे मंदिर कोरले, अशी अख्यायिका आहे. पांडवांनी मंदिरामध्ये तीन वेगवेगळ्या गुहा निर्माण केल्या. अर्जूनाने बाण मारून जलकुंडांमधून पाणी काढले. पांडवांनी रात्री मंदिर कोरून सकाळी कोंबड्याने बांग देताच ते निघून गेले. मंदिराचे मोठमोठे दगड भीमाने हाताने कोरले आहेत देखील आख्यायिका आहे, असंही भुजबळ यांनी सांगितलं.
'अर्जूनाने सात जलकुंडांमध्ये बाण मारून पाणी काढले. हा पाण्याचा बारमाही स्रोत आहे. पाण्याच्या उपलब्धतेमुळे इथे अनेक ऋषीमुनींनी तपश्चर्या केली असे सांगतात. मधल्या गुहेमध्ये स्वयंभू शिवलिंग आहे. हे शिवलिंग २००६ पर्यंत भग्नावस्थेत होते. पुढे त्या शिवलिंगाचा जीर्णोद्धार करून नवीन शिवलिंगाची प्राणप्रतिस्थापना करण्यात आली आणि या देवस्थानाला बाणेश्वर असे नाव देण्यात आले. असा इतिहास भुजबळ यांनी सांगितला.
फुलांनी नाही तर लोण्याने केला जातो श्रृंगार, पाहा कुठे आहे ही गणपती बाप्पांची खास मूर्ती
तुकाई मातेचं मंदिर
गुहेतल्या मंदिराच्यावर पाऱ्यांनी गेल्यानंतर एक दीपस्तंभ दिसतो. त्याच्या बाजूनं थोडं वर गेल्यानंतर तुकाई मातेचं मंदिर आहे. हजारो वर्षांपूर्वी अवाढव्य दगडांमध्ये हे मंदिर होते जे आता नव्याने तयार करण्यात आले आहे. बाणेश्वर गुहा मंदिराच्या खाली जोगेश्वरीची अखंड दगडाची मूर्ती पाहायला मिळते. बाणेर गावामध्ये हनुमान मंदिर, भैरवनाथ मंदिर असा क्रम करत पुढे शिवाचे मंदिर(गुंफामंदिर) आणि तुकाई मातेचे मंदिर असे दर्शन करता येते.
बाणेर नावाचा इतिहास
अर्जुनानं बाण मारुन येथील गुहेतून पाणी काढले असं सांगितलं जातं. पाण्याला कन्नड तसच अन्य काही भाषेत नीर असं म्हणतात. त्यावरुनच या गावाचं नाव 'बाणेर' पडलं अशी माहितीही पुजारी गणेश भुजबळ यांनी दिली.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)