TRENDING:
रुद्राक्ष विविध प्रकारचे असतात. एकमुखी ते एकवीस मुखी असे त्यांचे प्रकार आढळतात. एकमुखी रुद्राक्ष अत्यंत दुर्मिळ मानला जातो आणि तो शिवस्वरूपाचे प्रतीक आहे. पंचमुखी रुद्राक्ष सर्वसामान्यपणे उपलब्ध असून तो आरोग्य आणि मनःशांतीसाठी उपयुक्त मानला जातो. सहामुखी रुद्राक्ष बुद्धिमत्ता वाढवतो तर अकरामुखी रुद्राक्ष धारण केल्यास धैर्य आणि आत्मविश्वास वृद्धिंगत होतो अशी धारणा आहे. प्रत्येक रुद्राक्षाच्या मुखानुसार त्याचे वेगवेगळे आध्यात्मिक आणि ज्योतिषशास्त्रीय महत्त्व सांगितले जाते.
advertisement
Mahashivratri 2026 : शनिपीडा, राहू-केतू दोष, शांतीसाठी शिवआराधना का मानली जाते प्रभावी? Video
रुद्राक्ष खरेदी करताना खोटे-खरे ओळखणे अत्यंत महत्त्वाचे ठरते. खरा रुद्राक्ष पाण्यात टाकल्यास साधारणपणे बुडतो तर बनावट रुद्राक्ष हलका असल्याने तरंगू शकतो अशी प्राथमिक चाचणी सांगितली जाते. तसेच रुद्राक्षाच्या पृष्ठभागावर नैसर्गिक रेषा स्पष्ट आणि सलग असतात. छिद्र नैसर्गिक असावे, कृत्रिम ड्रिल केलेले असल्यास त्याची ओळख तज्ज्ञांच्या मदतीने करावी. विश्वसनीय विक्रेत्याकडून प्रमाणपत्रासह रुद्राक्ष घेणे अधिक सुरक्षित मानले जाते.
मुंबईतील दादर परिसरात धार्मिक वस्तूंसाठी प्रसिद्ध असलेल्या ब्रह्मांडनायक या पूजाभांडारात विविध प्रकारचे रुद्राक्ष उपलब्ध आहेत. येथे पंचमुखी, सहामुखी तसेच विशेष मागणीनुसार इतर दुर्मिळ रुद्राक्ष देखील मिळतात. दुकानाकडून रुद्राक्षाच्या शुद्धतेबाबत मार्गदर्शन आणि योग्य माहिती दिली जाते, अशी माहिती मिळाली आहे.
महाशिवरात्रीच्या पावन दिवशी श्रद्धेने आणि योग्य माहिती घेऊन रुद्राक्ष धारण केल्यास त्याचे आध्यात्मिक लाभ अधिक प्रभावी ठरतात असा विश्वास भक्त व्यक्त करत आहेत. त्यामुळे रुद्राक्ष खरेदीपूर्वी त्याचे महत्त्व, प्रकार आणि शुद्धता यांची खात्री करणे आवश्यक असल्याचे जाणकार सांगतात.