भारताचा अनुभवी क्रिकेटपटू मनीष पांडे आणि त्याची पत्नी आश्रिता शेट्टी यांच्यात दुरावा निर्माण झाल्याचे समजते. गेल्या काही काळापासून भारतीय संघातून बाहेर असलेला मनीष पांडेने इंस्टाग्राम प्रोफाइलवरून पत्नी आश्रिता शेट्टीचे सर्व फोटो गायब आहेत. मनीष पांडे तसा सोशल मीडियावर फार कमी सक्रीय असतो. पण त्याने पत्नी सोबतचे अनेक फोटो शेअर केले होते. आता हे सर्व फोटो हटवण्यात आले आहेत. आश्रिता शेट्टीने देखील तिच्या प्रोफाइलवरून मनीष पांडेचे फोटो हटवले आहेत. दोघे आता सोशल मीडियावर एकमेकांना फॉलो देखील करत नाहीत.
advertisement
...तर भारतातील ९९% लोक दुसऱ्या दिवशी कामावर जाणार नाहीत
मनीष पांडे ने २०१५ साली भारताकडून पदार्पण केले होते. २०१९ साली आश्रिता सोबत त्याचा विवाह झाला होता. आश्रिता कर्नाटकची असून ती तामिळ चित्रपटात अभिनेत्री आहे. दोघांच्या विवाहानंतर भारतीय संघांच्या लढती आणि आयपीएल सामन्यात आश्रिता दिसली होती. मात्र आयपीएल २०२४च्या हंगामात आश्रिता सामने पाहण्यासाठी दिसली नाही. मनीष कोलकाता नाइट रायडर्स संघाकडून खेळत होता आणि संघाने विजेतेपद देखील मिळवले होते. मात्र या विजेतेपदानंतर देखील आश्रिताने कोणताही पोस्ट टाकली नव्हती.
हे कोडे सोडवा आणि 8.5 कोटींचे बक्षीस जिंका, 100 वर्षे उत्तर सापडले नाही
आयपीएल स्पर्धेत शतक करणारा पहिला भारतीय अशी मनीष पांडेची ओळख आहे. २००९ साली रॉयल चॅलेंजर्स बेंगळुरूकडून खेळताना मनीषने शतकी खेळी केली होती. २०२१ नंतर त्याला भारतीय संघाकडून खेळण्याची संधी मिळाली नाही. त्याने भारताकडून २९ वनडेत ५६६ आणि ३९ टी-२० मध्ये ७०९ धावा केल्या आहेत.