अमरोहाच्या जोया ब्लॉकमधील पलौला गावात मनरेगा योजनेंतर्गत 657 जॉब कार्ड बनवण्यात आले आहेत. त्यापैकी 150 सक्रिय आहेत. या यादीत 473 व्या क्रमांकावर शबीना पत्नी गजनबीचे नाव आहे. शबीना क्रिकेटपटू मोहम्मद शमीची बहीण आणि विद्यमान ग्रामप्रमुख गुले आयशा यांची सून आहे. नोंदीनुसार शबीनाची मनरेगा योजनेत 4 जानेवारी 2021 रोजी नोंदणी झाली होती आणि तिने 21 मार्च 2022 ते 23 जुलै 2024 पर्यंत 374 दिवस मजुरी केली. त्या बदल्यात तिच्या एसबीआय खात्यात सुमारे 70 हजार रुपये आले.
advertisement
22 टक्के लोक देश सोडायच्या तयारीत, सर्व्हेतून धक्कादायक गोष्टी समोर आल्या
शबीनाच्या तपशीलासाठी पलौला ग्रामप्रमुख गुले आयशा यांच्या आलिशान बंगल्यावर गेले असता, ग्रामप्रमुखाने तिचा मुलगा गजनबी आणि सून शबीना यांना जोया परिसरात एक फ्लॅट दिला आहे, असे समजले. या फ्लॅटची सध्याची किंमत सुमारे 20 लाख रुपये आहे. शबीनाचा भाऊ मोहम्मद शमी यांची एकूण संपत्ती 65 कोटी रुपये आहे आणि त्याच्याकडे बीएमडब्ल्यू, ऑडी, जॅग्वार यांसारख्या आलिशान गाड्या आहेत. नोंदीनुसार शबीनाचा पती गजनबी यानेही 2021 ते 2024 पर्यंत 300 दिवस मजुरी केली आणि त्याच्या खात्यात सुमारे 66 हजार रुपये आले.
EPFO खातेदारांसाठी क्रांतिकारी निर्णय; PFचे पैसे थेट ATM, UPIद्वारे काढता येणार
ग्रामप्रमुखांच्या कुटुंबातील इतर सदस्यांच्या नावावरही मनरेगा जॉब कार्ड बनवण्यात आले आहेत. ग्रामप्रमुखांची मुलगी नेहा जिचे 2019 मध्ये लग्न झाले आणि ती जोया येथे राहते. तिचेही मनरेगा मजुरी कार्ड बनवले आहे. 2022 ते 2024 पर्यंत तिच्या खात्यातही बरेच पैसे आले आहेत. ग्रामप्रमुखांचे दीर शहजर जो अमरोहा येथे कृषी दुकान चालवतो, त्यांचे नावही जॉब कार्ड यादीत आहे. कंत्राटदार जुल्फिकार आणि त्यांचा अभियंता मुलगा अजीम यांची नावेही या यादीत आहेत.
न्यायाधीशाच्या घरात बेहिशोबी रोकड, तुम्ही घरी किती रोख पैसे ठेवू शकता?
गावातील लोकांनी सांगितले की, ग्रामप्रमुखाने आपल्या संपूर्ण कुटुंबाची मनरेगा कार्ड बनवली आहेत. किराणा दुकान चालवणारे इम्रान म्हणाले की, ग्रामप्रमुखाने शेकडो बनावट खात्यांमध्ये सरकारी पैशाचा गैरवापर केला आहे. मनरेगा योजनेंतर्गत मजुरीसाठी अर्ज ग्रामपंचायतींमध्ये केला जातो आणि पडताळणीनंतर जॉब कार्ड जारी केले जाते. माहिती चुकीची असल्यास, कार्यक्रम अधिकारी कार्ड हटवू शकतात. जिल्हा दंडाधिकारी निधी गुप्ता वत्स यांनी सांगितले की, या प्रकरणाची चौकशी केली जाईल आणि दोषींवर कारवाई केली जाईल.