TRENDING:
@ankitmalik22 नावाच्या चाहत्याने 'एलिस पेरीने लाऊव्ह टीव्हीवर बाबरला लग्नासाठी प्रपोज केलं', असं लिहून बाबर आणि पेरीचे फोटो पोस्ट केले आहेत.
@Kshitij_Xtra नावाच्या यूजरने एलिस पेरीने बीबीएलदरम्यान बाबरला लग्नासाठी विचारलं आणि बाबरने हा प्रस्ताव स्विकारल्याची पोस्ट केली आहे.
तर @BajwaKehtaHaii नावाच्या व्यक्तीने बीबीएलमध्ये प्रेमाचा खेळ, असं म्हणत फोटो शेअर केले आहेत.
advertisement
@WealthArigato ने लिहिलं की एलिस पेरीने बीबीएलमध्ये बाबर आझमला लग्नासाठी विचारलं.
सोशल मीडियावर व्हायरल होत असलेले हे फोटो पाहून अनेक जण या बातमीमध्ये तथ्य आहे का नाही? याचा शोध घेत आहेत. अत्यंत हुबेहुब दिसणारे हे फोटो एआयने बनवल्याचं आता स्पष्ट झालं आहे, त्यामुळे एलिस पेरीने बाबर आझमला प्रपोज केल्याच्या फक्त अफवा आहे. एआयच्या माध्यमातून हे फोटो तयार करण्यात आले आहेत.
बीबीएलमध्ये बाबरचा संघर्ष
बाबर आझम हा पहिल्यांदाच ऑस्ट्रेलियाची टी-20 लीग असलेल्या बीबीएलमध्ये खेळत आहे. या स्पर्धेत बाबर आझमची बॅट शांत राहिली आहे. एकूण सात सामन्यांमध्ये बाबरने (14+2+58*+2+58+9+2) फक्त 145 रन केले आहेत. बीबीएलमध्ये बाबरला आतापर्यंत फक्त 3 वेळा दोन आकडी धावसंख्या गाठता आली आहे. उरलेल्या प्रत्येक सामन्यात तो एक आकडी स्कोअरवर आऊट झाला आहे. मेलबर्न रेनेगेड्सविरुद्ध बाबरने 58 रनची नाबाद खेळी केली, जी त्याची बीबीएलमधली आतापर्यंतची सर्वोत्तम आहे.