वैभव सूर्यवंशी मागच्या काही महिन्यांपासून उत्कृष्ट कामगिरी करत आहे. पहिले आयपीएल 2025 आणि त्यानंतर अंडर-19 मध्ये खेळताना वैभव वादळी बॅटिंग करत आहे. वैभव सूर्यवंशीचा हा पहिलाच ऑस्ट्रेलिया दौरा आहे. ऑस्ट्रेलिया दौऱ्यातील पहिल्याच सामन्यात त्याने बॅट चालवायला सुरूवात केली आहे. याआधी इंग्लंड दौऱ्यात भारताच्या अंडर-19 टीमकडून खेळताना वैभवने 71 च्या सरासरीने 355 रन केले होते. इंग्लंड दौऱ्यात वैभव सर्वाधिक रन करणारा खेळाडू होता. यानंतर युथ टेस्टच्या 4 इनिंगमध्ये त्याला 90 रन करता आले होते.
advertisement
वैभवचं आयपीएलमध्ये वादळ
वैभव सूर्यवंशी 14व्या वर्षी आयपीएल खेळणारा सगळ्यात लहान वयाचा खेळाडू ठरला. राजस्थान रॉयल्सने वैभवला आयपीएल लिलावात विकत घेतलं होतं. वैभवने आयपीएल 2025 मध्ये 7 सामन्यांमध्ये 206.55 चा स्ट्राईक रेट आणि 36 च्या सरासरीने 252 रन केले होते, यात त्याने एक शतकही झळकावलं होतं.
इंडिया ए किती मॅच खेळणार?
ऑस्ट्रेलिया दौऱ्यामध्ये इंडिया ए 3 वनडे आणि 2 युथ टेस्ट खेळणार आहे. 2026 च्या सुरूवातीला होणाऱ्या अंडर-19 वर्ल्ड कपच्या तयारीच्या दृष्टीने ही सीरिज महत्त्वाची आहे. वैभव सूर्यवंशी अंडर-19 वर्ल्ड कप खेळेल, हे जवळपास निश्चित मानलं जात आहे. त्याआधी वैभव सूर्यवंशीने जास्तीत जास्त अनुभव घ्यावा, हे टीम इंडियासाठी महत्त्वाचं असेल.