पॅट कमिन्स म्हणाला की, केकेआरने जबरदस्त गोलंदाजी केली. दुर्दैवाने जुना सहकारी मिशेल स्टार्कने पुन्हा चांगली गोलंदाजी करायला सुरुवात केली. आज चांगले खेळलो नाही आणि पराभव पत्करला. तुम्हाला आशा असते की काही चांगले फटके मारू पण त्यांनी जबरदस्त गोलंदाजी केली आणि आमच्या हाती काहीच लागलं नाही. गेल्या आठवड्यात अहमदाबादमध्येही असंच झालं. त्यांनी खरंच चांगली गोलंदाजी केली आणि त्याचं श्रेय त्यांनाच जातं. आम्ही 160 धावा केल्या असत्या तर आम्ही सामन्यात असतो. 200 प्लसची खेळपट्टी वाटली नाही. थोड्या अधिक धावा असत्या तर आम्हाला संधी मिळाली असती असंही कमिन्सने म्हटलं.
advertisement
IPL आणि WPL फायनलमध्ये असे योगायोग तुम्हीही म्हणाल सेम टू सेम! कॅप्टन, टॉस, स्कोअरकार्ड ते निकाल
फायनलमध्ये नाणेफेक जिंकून प्रथम फलंदाजीला उतरलेल्या सनरायजर्सची सुरुवात खराब झाली. त्यांचे आघाडीचे तीन फलंदाज फक्त 21 धावात तंबूत परतले होते. पॉवर प्लेमध्ये सर्वोच्च धावा काढण्याचा विक्रम नावावर असलेली जोडी महत्त्वाच्या सामन्यात दुहेरी आकडाही गाठू शकली नाही. हैदराबादचा डाव फक्त 113 धावात आटोपला. त्यानंतर केकेआरने फक्त दोन गड्यांच्या मोबदल्यात 11 षटकातच सामना खिशात घातला.