पलाश मुच्छलसोबत विवाह बंधनात अडकणार
भारतीय क्रिकेटपटू स्मृती मंदाना लवकरच संगीतकार पलाश मुच्छल याच्यासोबत विवाह बंधनात अडकणार आहे. काही दिवसांपासून त्यांच्या लग्नाच्या तयारीला वेग आला आहे. टीम इंडियाने विश्वचषकावर नाव कोरल्यानंतर आता हे दोघं विवाहबंधनात अडकणार असल्याचं समोर आलंय. मीडिया रिपोर्टनुसार, वर्ल्डकपनंतर म्हणजेच नोव्हेंबर महिन्यात त्यांच्या लग्नाचा सोहळा पार पडणार आहे. 20 नोव्हेंबरपासून लग्नसमारंभांना प्रारंभ होईल आणि मुख्य विवाह सोहळा सांगलीत पार पडेल. पण लग्न कुठं होणार? याची माहिती अद्याप समोर आली नाही.
advertisement
स्मृती आणि वर्ल्ड कपसोबत पलाश
स्मृतीने टीम इंडियाला वर्ल्ड कप जिंकून दिल्यानंतर पलाश मुच्छल याने सोशल मीडियावर पोस्ट केली. हातात ट्रॉफी आणि समोर स्मृतीचा असलेल्या या फोटोला पलाशने पाच शब्दात कॅप्शन दिलं, 'सबसे आगे होंगे हम हिंदुस्तानी'. तर पलाशने स्मृतीसोबतचा आणखी एक फोटो शेअर केला. यामध्ये स्मृती आणि वर्ल्ड कपसोबत तो दिसतोय.
स्मृती मानधनाच्या या शानदार पर्फॉर्मन्समध्ये 1 सेंच्युरी आणि 2 फिफ्टींचा समावेश आहे. या दमदार कामगिरीमुळे स्मृती मंधानाने एकाच वर्ल्ड कप एडिशनमध्ये सर्वाधिक रन्स करण्याचा भारताची माजी कर्णधार मिताली राजचा जुना रेकॉर्ड मोडला. मितालीने 2017 मध्ये 409 धावा केल्या होत्या, तर स्मृतीने हा आकडा 434 पर्यंत नेला. तिच्या आक्रमक फलंदाजीमुळेच टीम इंडियाला प्रत्येक मॅचमध्ये मजबूत स्टार्ट मिळत गेला आणि टीम इंडिया पहिल्यांदाच वर्ल्ड कप जिंकू शकली.
104 धावांची शतकी पार्टनरशिप
दरम्यान, साऊथ आफ्रिकेविरुद्धच्या अंतिम मॅचमध्ये देखील स्मृती मानधनाने 58 बॉलमध्ये 45 धावांची महत्त्वपूर्ण खेळी केली. शफाली वर्मासोबत स्मृती मानधनाने 104 धावांची शतकी पार्टनरशिप करत टीम इंडियाच्या मोठ्या टोटलचा पाया रचला. तिचा हा वर्ल्ड कपमधील एकूण पर्फॉर्मन्स जिद्द आणि सातत्य दाखवणारा होता, ज्यामुळे स्मृती मानधना टीम इंडियाच्या या ऐतिहासिक यशात सर्वात महत्त्वाची खेळाडू ठरली.