TRENDING:
2 लाख रुपये इनामासाठी कुस्ती
मैदानातील मुख्य लढत 2 लाख रुपये इनामासाठी महाराष्ट्र केसरी सिकंदर शेख आणि हरियाणाचा अजय बनवाला यांच्यात झाली. या अटीतटीच्या सामन्यात सिकंदरने आपल्या चपळाईच्या जोरावर अजयला चितपट केलं आणि मानाचं पारितोषिक आपल्या नावी केलं. सिकंदरच्या या विजयानंतर कुस्तीप्रेमींनी एकच जल्लोष केला असून, सोलापूरच्या लाल मातीत पुन्हा एकदा त्याचा दबदबा पहायला मिळाला. सिकंदरने यावेळी प्रेक्षकांच्या सपोर्टबद्दल त्यांचे आभार मानले.
advertisement
पाहा सिकंदरच्या कुस्तीचा व्हिडीओ... (3:46:11 पासून पुढे...)
खास शैलीत 'धोबीपछाड' डाव टाकला
मैदानातील दुसरे मोठं आकर्षण ठरली ती नेपाळचा देवा थापा आणि पंजाबचा जसप्रत सिंग यांच्यातील लढत. दीड लाख रुपये इनामासाठी झालेल्या या सामन्यात देवा थापाने आपल्या खास शैलीत 'धोबीपछाड' डाव टाकला अन् सामना जिंकला. या डावावर त्याने जसप्रतवर मात करत विजय मिळवला. प्रेक्षकांनी या चित्तथरारक लढतीला भरभरून दाद दिली. या कुस्ती महोत्सवात दीड लाख आणि १ लाख इनामाच्या अनेक महत्त्वाच्या कुस्त्या लावण्यात आल्या होत्या.
रोख स्वरूपात बक्षिसे देऊन सन्मानित
दरम्यान, यामध्ये पैलवान सिकंदर मुजावर, नवीलाल दिवाने, सर्जेराव काळे, संतोष मोची, शाहरुख खान, विजय वारा, जीवन भुजबळ आणि मशीद शेख यांसारख्या दिग्गज मल्लांचा समावेश होता. या सर्व पैलवानांना रोख स्वरूपात बक्षिसे देऊन सन्मानित करण्यात आलं.