वेस्ट इंडिजचा खेळाडू मॅच फिक्सिंगमध्ये दोषी, T20 वर्ल्ड कप संपताच ICC ची मोठी कारवाई!

भ्रष्टाचारविरोधी नियमांचे उल्लंघन केल्याबद्दल दोषी आढळल्यानंतर वेस्ट इंडिजचा क्रिकेटपटू जेव्हॉन सीयर्सला आयसीसीने निलंबित केले आहे. हा खटला 2023-24 मध्ये बार्बाडोसमध्ये खेळल्या गेलेल्या बिम10 लीगशी संबंधित आहे. केवळ खेळाडूविरुद्धच नाही तर टीमशी संबंधित इतर दोन अधिकाऱ्यांविरुद्धही कारवाई करण्यात आली आहे. आयसीसीच्या चौकशीत मॅच फिक्सिंगचे अनेक गंभीर आरोप उघड झाले आहेत, त्यानंतर तिघांनाही तात्पुरते निलंबित करण्यात आले आहे आणि आरोपांना उत्तर देण्यासाठी 14 दिवसांची मुदत देण्यात आली आहे.

advertisement

आयसीसीने जारी केलेल्या निवेदनानुसार, जेव्हॉन सिएर्ल्ससह, चित्तरंजन राठोड आणि ट्रेव्हॉन ग्रिफिथ हेदेखील भ्रष्टाचार विरोधी संहितेच्या अनेक तरतुदींचे उल्लंघन केल्याबद्दल दोषी आढळले आहेत. ग्रिफिथवर क्रिकेट वेस्ट इंडिजच्या भ्रष्टाचार विरोधी संहितेअंतर्गत एका गुन्ह्याचा आरोप आहे, तर टायटन्स टीमचे मालक राठोड यांच्यावर तीन आरोप आहेत. सिएर्ल्सवर एकूण चार आरोप आहेत. यापूर्वी, अमेरिकन स्टार खेळाडू आरोन जोन्सलाही याच प्रकरणात निलंबित करण्यात आले होते.

तिघांवरही गंभीर आरोप

कलम 2.1.1 चे उल्लंघन

2023/24 बिम10 स्पर्धेदरम्यान निकाल, प्रगती, वर्तन किंवा सामन्याच्या कोणत्याही पैलूवर अयोग्यरित्या प्रभाव पाडण्याच्या प्रयत्नात सामना फिक्स करण्याचा प्रयत्न करणे किंवा मॅच फिक्स करण्याच्या कटाचा भाग असणे.

कलम 2.1.4 चे उल्लंघन

लाचलुचपत प्रतिबंधक संहितेअंतर्गत गुन्हा करण्यासाठी खेळाडू किंवा खेळाडू सपोर्ट स्टाफला चिथावणी देणे, सूचना देणे, प्रोत्साहित करणे किंवा मदत करणे.

कलम 2.4.4 चे उल्लंघन

संभाव्य भ्रष्टाचाराच्या चौकशीसंदर्भात नियुक्त केलेल्या भ्रष्टाचार विरोधी अधिकाऱ्याने केलेल्या योग्य तपासात सहकार्य करण्यास नकार देणे किंवा अयशस्वी होणे.

सिर्ल्स आणि ग्रिफिथ यांच्यावर आणखी आरोप

कलम 2.4.2 चे उल्लंघन

क्रिकेट वेस्ट इंडिजला भ्रष्टाचार विरोधी संहितेचे उल्लंघन करू शकणाऱ्या कोणत्याही ऑफर किंवा संपर्काची माहिती देण्यात अयशस्वी होणे.

कलम 2.4.7 (आयसीसी संहिता) चे उल्लंघन

ऍन्टी करप्शन युनिट (एसीयू) द्वारे तपासात अडथळा आणू शकेल अशी माहिती लपवणे किंवा त्यात छेडछाड करणे.

मॅच फिक्सिंग प्रकरणी तिन्ही आरोपींना 11 मार्चपासून तात्पुरते निलंबित करण्यात आले आहे आणि आरोपांना उत्तर देण्यासाठी त्यांना 14 दिवसांची मुदत देण्यात आली आहे. 14 दिवसांनंतर आयसीसी काय कारवाई करणार, याकडे लक्ष लागलं आहे.