छत्रपती संभाजीनगर : ओट्स हा एक असा पदार्थ आहे जो आपल्या आरोग्यासाठी अत्यंत फायदेशीर आहे. विशेष म्हणजे आपण नाश्ता, दुपारचे जेवण किंवा रात्रीच्या जेवणामध्ये कधीही ओट्स हे खाऊ शकता. ओट्समध्ये अनेक प्रकारचे पोषक घटक असतात आणि ते आपल्या शरिरासाठी फायदेशीर आहेत. ओट्समध्ये देखील दोन प्रकार असतात एक मसाला ओट्स आणि दुसरा दुधामध्ये सोक करून खायचे. तर यापैकी कुठले ओट्स हे आपल्या शरिरासाठी चांगले असतात? याविषयीचं छत्रपती संभाजीनगर येथील आहार तज्ज्ञ रसिका देशमुख यांनी माहिती दिली आहे.

नाशिक: महापालिका निवडणुकीसाठी उमेदवारी न मिळाल्याने आता राजकीय पक्षांमध्ये इच्छुकांच्या नाराजी स्फोट होऊ लागला आहे. नाशिकमध्येही इच्छुकांकडून एबी फॉर्म असलेल्या कारचा पाठलाग करण्यात आला.

अजित मांढरे, प्रतिनिधी, ठाणे : महापालिका निवडणुकीसाठी तिकीट वाटपाची डेडलाईन आता अवघ्या काही तासांवर येऊन ठेपली आहे. अशातच ठाण्यात काँग्रेस पक्षात तिकीट वाटपावरून हाणामारी झाल्याची घटना घडली आहे. अवघ्या १ दिवस उरले असताना आज काँग्रेस पक्षाच्या वतीने AB फॉर्म ठाण्यातील काँग्रेसच्या मध्यवर्ती कार्यालयावर वाटप करत असताना काँग्रेस पक्षाचे कार्यकर्ते आपआपसामध्ये भिडले.

ठाकरे गटाच्या माजी महापौर किशोरी पेडणेकर यांना वॉर्ड क्रमांक 199 मधून उमेदवारी जाहीर झाली. त्या म्हणाल्या, "आता बऱ्यापैकी सगळ्यांना फॉर्म दिले गेले आहेत आणि मलाही मिळाला आहे. लढाई अटीतटीची, निक्रीची आहे. शिवसैनिक, मनसैनिक, मतदार आमच्यासोबत आहेत त्यांच्या जीवावर ही निवडणुक आम्ही लढणार आहोत. पण शेवट हा गोड झाला."

युद्ध सुरु होण्याआधीच शरद पवार राष्ट्रवादी गटाच्या मुंबई अध्यक्ष राखी जाधव यांनी अचानक पक्षाला सोडचिठ्ठी दिली आहे. त्यानंतर त्यांनी आता भाजपमध्ये प्रवेश केला आहे. त्यामुळे हा मोठा धक्का शरद पवार राष्ट्रवादी पक्षाला मानावा लागणार आहे. "त्या पक्षात असताना अपेक्षित प्रतिसाद मिळाला नाही,अशी अनेक कारणे आहेत ज्यामुळे हा निर्णय मला घ्यावा लागला" असं त्यांनी पक्ष सोडण्याचं कारण सांगितलं