शिवसेना ठाकरे गटाच्या उपनेत्या शीतल देवरुखकर यांनी आज भाजप प्रवेश केला आहे. त्यांना मुंबई पालिका निवडणुकीत उमेदवारी डावलल्यानं त्या नाराज झाल्या. त्यामुळे त्यांनी रवींद्र चव्हाण यांच्या उपस्थिती मध्ये भाजप पक्षात प्रवेश केला.

भाजपचे मंत्री नितेश राणे यांना सोशल मीडिया पोस्ट वरुन विरोधकांनी ट्रोल केले. तेव्हा वारिस पठाण यांच्या विधानाचा दाखला देत नितेश राणे यांनी त्यांच्यावर टीका केली आहे. ते म्हणाले, "हिंदूंमध्ये फूट पाडण्याची सुपारी घेतलेली दिसते. मुंबईचा महापौर मराठीच होणार, हिंदूच होणार आणि आमच्याच पक्षाचा होणार."

मुंबई महापालिकेत उमेदवारी मिळालेल्या उमेदवारांना मनसे नेते राज ठाकरेंची भेट घेतली. तेव्हा शर्मिला ठाकरेंनी या उमेदवारांचे औक्षण केले. त्यानंतर राज ठाकरेंनी कार्यकर्त्यांना कानमंत्र दिला. ते म्हणाले,"कोणत्याही आमिषाला बळी पडू नका. बोगस मतदार सापडला तर फटकावून काढा."

उद्धव ठाकरें राज ठाकरेंच्या शिवतीर्थावर बैठकीसाठी दाखल झाले आहेत. त्याच्यात महापालिकेच्या निवडणुक प्रचाराची रणनीती काय असणार आहेत ? या चर्चा होणार आहेl. या चर्चेकडे सर्वांचं लक्ष आहे.

नाशिकमध्ये भाजप वाद चव्हाट्यावर आला आहे. शहराध्यक्ष सुनील केदार यांना निष्ठावंत कार्यकर्त्यांनी घेराव घातला आहे. त्यांना उमेदवारी न दिल्याने ही नाराजी त्यांच्यात पाहायला मिळाली. ज्या उमेदवारांना तिकिट दिले आहे त्यांचं कार्य काहीच नाही. त्यांनी पैसे देऊन तिकिटं घेतल्याचा आरोप कार्यकर्ते करत आहेत.