65 दिवसांत कमावले 5 लाख! सोलापूरच्या 12 वी पास तरुणाने कलिंगड शेतीतून घडवला इतिहास!

सोलापूर : आजच्या काळात सुशिक्षित तरुण नोकरीच्या शोधात शहराकडे धाव घेत असताना, सोलापूर जिल्ह्यातील मोहोळ तालुक्यातील कामती येथील एका तरुण शेतकऱ्याने मात्र वेगळी वाट निवडली आहे. बारावीपर्यंत शिक्षण पूर्ण केल्यानंतर अपेक्षित नोकरी न मिळाल्याने निराश न होता, अतुल घोडके या तरुणाने आपल्या शेतीत आधुनिक प्रयोग करून अवघ्या 2 एकरातून 5 लाख रुपयांचा निव्वळ नफा मिळवण्याची किमया साधली आहे. या संदर्भात अधिक माहिती अतुल घोडके यांनी लोकल 18 शी बोलताना दिली.