गेल्या काही दिवसांपासून भारत-पाकिस्तान यांच्यात युद्ध परिस्थिती सुरू आहे. दोन्ही देशांकडून जोरदार लष्करी कारवाई सुरू होती. या कारवाईत भारताने आतापर्यंत प्रत्येक वेळी बाजी मारली होती. पाकिस्तानवर गुढघ्यावर बसण्याची वेळ आली होती. अशात अमेरिकेकडून झालेल्या या शस्त्रसंधीला त्यांनी तातडीने मान्यता दिली. पाकिस्तान विरूद्धच्या या लढाईत भारताचा मोठा विजय झाल्यावर ही शस्त्रसंधी झाली आहे.
advertisement
भारत-पाकिस्तानमध्ये तातडीने शस्त्रसंधी, डोनाल्ड ट्रम्प यांची मोठी घोषणा
दरम्यान ट्रम्प यांच्या या घोषणानंतर पाकिस्तानकडून पहिली प्रतिक्रिया आली आहे. पाकिस्तानचे उपपंतप्रधान आणि परराष्ट्र व्यवहार मंत्री इशाक दार यांनी एक्स वर म्हटले आहे की, भारत आणि पाकिस्तान तात्काळ प्रभावाने शस्त्रसंधी करण्यास सहमत झाले आहेत. पाकिस्तानने आपल्या सार्वभौमत्व आणि प्रादेशिक अखंडतेशी तडजोड न करता, या प्रदेशात शांतता व सुरक्षेसाठी नेहमीच प्रयत्न केले आहेत!
अमेरिकेचे सचिव मार्को रुबियो यांची घोषणा
भारत आणि पाकिस्तान यांच्यातील तणावपूर्ण वातावरणात मोठी घडामोड घडली आहे. अमेरिकेचे सचिव मार्को रुबियो यांनी ट्विट करत जाहीर केलं आहे की गेल्या 48 तासांत भारताचे पंतप्रधान नरेंद्र मोदी, पाकिस्तानचे पंतप्रधान शहबाज शरीफ, दोन्ही देशांचे राष्ट्रीय सुरक्षा सल्लागार, परराष्ट्र मंत्री आणि लष्करी अधिकाऱ्यांशी चर्चा करून, भारत व पाकिस्तानने तात्काळ शस्त्रसंधी आणि सर्वसमावेशक चर्चेची सुरुवात करण्यावर सहमती दर्शवली आहे.
रुबियो यांनी पंतप्रधान मोदी आणि शरीफ यांच्या नेतृत्वाचं आणि शांततेचा मार्ग स्वीकारल्याबद्दल कौतुक केलं आहे. आता ही शांततेची प्रक्रिया कितपत यशस्वी ठरेल, हे पाहणं महत्त्वाचं ठरेल.