TRENDING:
श्रीलंकेजवळ झाला भीषण हल्ला
इराणी युद्धनौकेवर हल्ला श्रीलंकेच्या दक्षिण किनाऱ्याजवळ आंतरराष्ट्रीय जलक्षेत्रात झाला. इराणची ही युद्धनौका भारतात आयोजित करण्यात आलेल्या नौदल सरावात (MILAN 2026) सहभागी होऊन परतत होती. यामध्ये सुमारे १३० नाविक होते. अमेरिकन पाणबुडीने अचानक केलेल्या या हल्ल्यात इराणचे मोठे नुकसान झाले असून अनेक जवानांना आपले प्राण गमवावे लागले. या घटनेची माहिती होताच श्रीलंकन नौदलाने मदत आणि बचाव कार्य सुरू केले. यामध्ये काही इराणी नौदलाच्या जवानांचे प्राण वाचवण्यास यश आले.
advertisement
हा आंतरराष्ट्रीय गुन्हा, इराण संतापला....
या घटनेनंतर इराणचे परराष्ट्र मंत्री सय्यद अब्बास अराघची यांनी अमेरिकेवर जोरदार हल्लाबोल केला आहे. इराणने या हल्ल्याचा बदला घेण्याचे संकेत दिले असून मध्यपूर्वेत तणाव वाढला आहे. इराणच्या परराष्ट्र मंत्र्यांनी म्हटले की, अमेरिकेने इराणच्या किनाऱ्यापासून २००० मैल अंतरावर समुद्रात एक क्रूर कृत्य केले आहे. भारतीय नौदलाचे पाहुणे असणारे जहाज आणि सुमारे १३० खलाशांना घेऊन जाणारे डेना या फ्रिगेटवर आंतरराष्ट्रीय पाण्यात कोणत्याही पूर्वसूचनेशिवाय हल्ला करण्यात आला. अमेरिकेला आता या घटनेचा पश्चात्ताप होईल, असा इशारा त्यांनी दिला.
ऐतिहासिक आणि धोकादायक वळण
लष्करी विश्लेषकांच्या मते, अमेरिकेने अनेक दशकांनंतर अशा प्रकारे प्रत्यक्ष हल्ला केल्यामुळे ही घटना अत्यंत गंभीर मानली जात आहे. भारताच्या शेजारीच हिंद महासागरात ही कारवाई झाल्यामुळे भारताच्या सागरी सुरक्षेवर आणि व्यापार मार्गावरही याचे परिणाम होण्याची शक्यता आहे.