UAE : अंतराळात अन्न खाणं किती कठीण? पाहा अंतराळवीर कसे खातात, VIDEO व्हायरल

युएईतून अंतराळात जाणाऱ्या पहिल्या दोन अंतराळवीरांमध्ये नियादी आहे. त्याने आपल्या अंतराळ मोहिमेवेळी अंतराळवीर कसे राहतात हे एका व्हिडीओतून दाखवलं आहे. त्यात एक मधाची बाटली उघडून ब्रेडवर मध लावताना दिसतो.

बाटली उलटी न करता तशीच ठेवतो. अंतराळात गुरुत्वाकर्षण नसते. बाटलीतून मध काढून ब्रेडला लावतो. यावेळी तो अनेकदा ब्रेड आणि त्याला लागलेला मध तसाच हवेत सोडतो पण ते खाली न पडता हवेतच तरंगते.

अल नियादीच्या ऑफिशिलअ अकाउंटवरून हा व्हिडीओ शेअर करण्यात आला आहे. दीड लाखहून अधिक लोकांनी हा व्हिडीओ पाहिला. एका युजरने या व्हिडीओवर मजेशीर कमेंट करताना म्हटलं की, अंतराळात कुठेही अन्न सोडू शकतो, खाली पडण्याची भीती नाही. तर दुसऱ्या एका युजरने म्हटलं की, विचित्र प्रश्न आहे पण तुम्हाला गुरुत्वाकर्षणाची आठवण येते का?