US Navy : अमेरिकेला मोठा धक्का, ३० मिनिटात कोसळली दोन लढाऊ एअरक्राफ्ट, दक्षिण चीन समुद्रात काय घडलं?

अमेरिकन नौदलाने सोशल मीडियावर एक निवेदन प्रसिद्ध केले. घटनेची माहिती देताना अमेरिकन नौदलाने सांगितले की, रविवारी दुपारी नौदलाच्या विमानवाहू जहाज यूएसएस निमित्झ येथून नियमित मोहिमेवर निघालेले एमएच-६०आर सीहॉक हेलिकॉप्टर कोसळले. स्थानिक वेळेनुसार दुपारी २:४५ वाजता हा अपघात झाला. बचाव कार्यादरम्यान सर्व तीन क्रू सदस्यांना वाचवण्यात आले. नौदलाच्या म्हणण्यानुसार, हेलिकॉप्टर मेरीटाईम स्ट्राइक स्क्वॉड्रनच्या बॅटल कॅट्स टीमने चालवले होते.

advertisement

सुमारे अर्ध्या तासानंतर, दुपारी ३:१५ वाजता, एक एफ/ए-१८एफ सुपर हॉर्नेट लढाऊ विमान, जे नियमित मोहिमेवर होते, यूएसएस निमित्झवरून कोसळले. लढाऊ विमान स्ट्राइक फायटर स्क्वॉड्रनच्या फायटिंग रेडहॉक्स टीमसोबत असल्याचे वृत्त आहे. अपघातादरम्यान वैमानिक यशस्वीरित्या बाहेर पडले आणि त्यांना वाचवण्यात आले.

अमेरिकन नौदलाच्या मते, निमित्झ हे पश्चिम किनाऱ्यावर परतण्यापूर्वी त्याच्या अंतिम तैनातीच्या परतीच्या टप्प्यावर आहे. विमानवाहू जहाज, त्याचे कर्मचारी आणि हवाई दल २६ मार्च रोजी पश्चिम किनाऱ्यावरून निघाले. व्यावसायिक जहाजांवर हैती बंडखोरांच्या हल्ल्यांना प्रत्युत्तर म्हणून हे जहाज बहुतेक काळ पश्चिम आशियात कार्यरत होते. १७ ऑक्टोबर रोजी हे जहाज दक्षिण चीन समुद्रात दाखल झाले.

दक्षिण चीन समुद्रात चीनला आव्हान देतंय अमेरिका...

चीनकडून दक्षिण चीन समुद्राच्या मोठ्या भागावर दावा करत आहे. या समुद्रावरून पूर्व आशियातील अनेक देशांशी त्याचे वादही झाले आहेत. सर्वात अलीकडील वाद फिलीपिन्सशी होता. चीनकडून त्यांच्या जहाजांना चीनने लक्ष्य केले होते. आंतरराष्ट्रीय न्यायालयाने दक्षिण चीन समुद्राच्या बहुतेक भागावरील चीनचा दावा फेटाळून लावला आहे. दक्षिण चीन समु्द्र हे रणनीतिकदृष्ट्या महत्त्वाचे आहे. त्यामुळे चीनकडून या ठिकाणच्या भागावर दावा करण्यात येतो.