शांत समुद्र प्रवासातून थरारक प्रसंग
एड्रियन सिमँकास आणि त्यांचे वडील डेल हे बहिया एल अग्विला येथे सँ इसिड्रो लाइटहाउसजवळ कायाकींग करत असताना अचानक एक भलीमोठी हम्पबॅक व्हेल समुद्राच्या पृष्ठभागावर आली आणि तिने एड्रियनला गिळले. डेल केवळ काही मीटर अंतरावर होते आणि त्यांनी हा धक्कादायक क्षण आपल्या कॅमेऱ्यात टिपला.
बँक बंद पडल्यास ग्राहकांना किती पैसे परत मिळतात?
advertisement
डोळे उघडले तेव्हा मी व्हेलच्या तोंडात होतो
बीबीसीला दिलेल्या मुलाखतीत एड्रियन म्हणाला, माझ्या मागून काहीतरी जोरात आदळले आणि मी बुडत गेलो. मी डोळे बंद केले आणि पुन्हा उघडल्यावर लक्षात आले की मी एका व्हेलच्या तोंडात आहे. मला चेहऱ्यावर चिकट पदार्थाचा स्पर्श जाणवला. भोवती फक्त गडद निळा आणि पांढरा रंग दिसत होता. मी विचार केला की जर व्हेलने मला पूर्णपणे गिळले तर मी काहीही करू शकत नाही. पुढे काय करायचे याचा विचार करू लागलो.
2008 पेक्षा वाईट ठरू शकते 2025! गुंतवलेले पैसे आताच काढून घ्या, नाही तर...
केवळ दोन सेकंदांत वाचला जीव
एड्रियनला काही क्षण कळलेच नाही की तो नक्की कुठे आहे, पण त्याआधीच व्हेलने त्याला दोन सेकंदांत पाण्यात परत बाहेर टाकले. मी दोन सेकंद पाण्याबाहेर उडालो आणि मग लक्षात आले की मी जिवंत आहे, असे एड्रियनने सांगितले.
महाकुंभच्या Net Profitचा आकडा समोर आला, सर्वांना चक्रावून टाकले
...याची अधिक चिंता वाटत होती
एड्रियनने सांगितले की,त्याला आपला जीव जाईल असे वाटले होते.पण व्हेलच्या तोंडातून सुटल्यावर भीती वाटली की व्हेल त्याच्या वडिलांवर हल्ला करेल किंवा थंड पाण्यात राहिल्याने ते गारठून मरतील.मात्र काही क्षणांनी तो वडिलांच्या कायाकींगपर्यंत पोहोचले आणि सुरक्षित किनाऱ्यावर परतले.
अनुभवाने दिली दुसरी संधी!
या थरारक घटनेचा व्हिडिओ पाहून स्वतः एड्रियन शॉक झाला. व्हिडिओ पाहिल्यावर मला जाणवले की ती व्हेल किती प्रचंड होती. जर मी तिला आधी पाहिले असते, तर कदाचित अजूनच घाबरलो असतो, असे तो म्हणाला.
या धक्कादायक घटनेनंतरही एड्रियन आणि त्यांचे वडील डेल यांनी कयाकिंग थांबवण्याचा विचार केला नाही. एड्रियन यांनी सांगितले की, ही एक अद्वितीय घटना होती, जणू मला जीवनाची दुसरी संधी मिळाली आहे. आणि मी ती संधी पूर्णपणे उपयोगात आणणार आहे!