बँक बंद पडल्यास ग्राहकांना किती पैसे परत मिळतात? जाणून घ्या तुमचे पैसे सुरक्षित ठेवण्याचे नियम

मुंबई: ग्राहकांच्या हिताचा विचार करून रिझर्व्ह बँक ऑफ इंडियाने (RBI) मुंबईतील न्यू इंडिया को-ऑपरेटिव्ह बँकेवर काही निर्बंध लादले. बँक गेल्या दोन आर्थिक वर्षापासून तोट्यात आहे. बँकेच्या व्यवहारात काही अनियमितता आढळल्यानंतर हा निर्णय घेण्यात आला आहे. आरबीआयच्या या निर्बंधांमुळे १३ फेब्रुवारी २०२५ पासून बँक कोणतेही नवीन कर्ज देऊ शकणार नाही किंवा जुन्या कर्जांचे नूतनीकरण करू शकणार नाही. इतकेच नाही तर बँकेत खाते असलेले, तसेच ठेवी ठेवलेल्या ग्राहकांना त्यांच्या खात्यातील पैसेही काढता येणार नाहीत. बँकेची परिस्थिती सुधारल्यानंतरच निर्बंध उठवले जातील, असे आरबीआयने स्पष्ट केले आहे. मात्र आपल्या कष्टाचे पैसे बुडतील या भीतीने बँकेच्या शाखांबाहेर ग्राहकांनी मोठ्या रांगा लावल्या आहेत.