सोशल मीडियावर याचा एक व्हिडीओही मोठ्या प्रमाणावर व्हायरल होत आहे. या व्हिडीओमध्ये स्पष्टपणे दिसतं की भगवद्‌गीताचे कोणतेही पान जळालेले नाही. कोणताही कोपरा फाटलेला नाही. आजूबाजूचं सगळं काही नष्ट झालेलं असताना भगवद्‌गीता मात्र आगीपासून सुरक्षित राहिली.
व्हिडीओमध्ये कथितपणे अपघातग्रस्त विमानाचे घटनास्थळ दाखवण्यात आलं आहे. बचाव कार्यादरम्यान एक व्यक्ती भगवद्‌गीता हातात धरून दिसत आहे आणि तिची पाने उलटून दाखवत आहे. व्हिडीओ गुजराती भाषेत आहे आणि दावा करण्यात येतो आहे की गीता अपघातग्रस्त मलब्यातून सुरक्षित मिळाली.
advertisement
घटनेबद्दल थोडक्यात माहिती
एअर इंडिया ची बोईंग 787 ड्रीमलाइनर फ्लाइट AI-171 ने गुरुवारी दुपारी 1:38 वाजता अहमदाबादहून लंडनसाठी उड्डाण घेतलं होतं. मात्र उड्डाण केल्यानंतर फक्त दोन मिनिटांतच हे विमान अचानक खाली आलं आणि कोसळलं. अपघातानंतर आकाशात काळ्या धुराचं प्रचंड जाळ पसरलं.
या विमानात एकूण 230 प्रवासी होते. यामध्ये 169 भारतीय, 53 ब्रिटिश नागरिक आणि 12 क्रू मेंबर्स होते. गुजरातचे माजी मुख्यमंत्री विजय रूपाणी हेही याच फ्लाइटमध्ये होते आणि त्यांचाही मृतांमध्ये समावेश आहे.
संपूर्ण अपघातात फक्त एकच प्रवासी - विश्वास कुमार रमेश जिवंत वाचले आहेत. ते 11A सीटवर बसलेले होते. अपघात होण्याच्या सुमारे 30 सेकंद आधी त्यांनी इमर्जन्सी विंडोमधून उडी मारून आपली प्राणवाचवले.
ही घटना केवळ देशातच नव्हे तर जगभरात हळहळ निर्माण करणारी ठरली असून भगवद्गीतेचा अबाधित मिळालेला प्रतीचा व्हिडीओ धार्मिक आणि आध्यात्मिक वर्तुळातही चर्चेचा विषय ठरत आहे.