एक महिला गाडीचा दरवाजा ओपन ठेवून घरातून सामान आणण्यासाठी गेली. ती ते सामान गाडीत ठेवायला आली तेव्हा गाडीत एक प्राणी जाऊन बसला होता. त्याला पाहून महिला घाबरली आणि तेथून पळून गेली. हा व्हिडीओ पाहून तुमच्याही अंगावर काटा येईल.
'तुझी काय लायकी आहे...' Uber कॅबमध्ये महिलेची ड्रायव्हरला शिवीगाळ, घटनेचा संपूर्ण VIDEO
advertisement
व्हायरल होत असलेल्या व्हिडीओमध्ये तुम्ही पाहू शकता, जंगलाच्यामध्ये बनलेलं घर आहे. घरापुढे गाडी पार्क केलेली दिसतेय. महिला घरात काहीतरी सामान आणण्यासाठी गेली आणि परत येताच तिला गाडीत अस्वल शिरल्याचं दिसलं. हे पाहून ती घाबरली आणि तिनं गाडीचा दरवाजा बंद करण्याचा प्रयत्न केला. मात्र अस्वल आतून दरवाजा जोराने ढकलंत होता. मग अस्वल बाहेर यायला लागताच महिलेनं हातातील सामान फेकून देऊन घरात धाव घेतली. अस्वलही बाहेर येताच इकडे तिकडे फिरायला लागलं.
@gaju_gade नावाच्या X अकाऊंटवर हा व्हिडीओ शेअर करण्यात आला आहे. 41 सेकंदांचा हा व्हिडीओ पाहून तुम्हीही काही वेळासाठी घाबराल. घराच्या बाहेर असलेल्या सीसीटीव्ही कॅमेऱ्यामध्ये ही सर्व घटना कैद झाली. हा व्हिडीओ व्हायरल झाल्यानंतर व्हिडीओवर अनेक कमेंट येत आहेत.